Veliaj nuk i ndahet Teatrit as në Jalë/ Ja çfarë i thotë të rinjve të FRESSH-it…

Kryebashkiaku Erjon Veliaj duket se e ka marrë shumë seriozisht çështjen e Teatrit Kombëtar, duke e pasur si prioritare në çdo takim që zhvillon me mbështetës të tij dhe Partisë Socialiste.

Së fundmi, Veliaj është shfaqur në Jalë, atje ku ëhstë ngritur kampingu i të rinjve socialist, ndërsa ka preferuar të flasë sërisht për Teatrin.

“Në fillim patëm një histeri kolektive, kurse aktorët që punojnë aty ishin të shqetësuar. Presidenti i Republikës bëri një thirrje dhe tha: ‘Kryetari i Bashkisë të gjejë gjuhën me aktorët, që ne të ecim përpara’!

Bëmë një takim me aktorët, një me urbanistët, një me arkitektët, një me të gjithë së bashku. U treguam projektin, në fund aktorët u bindën; pra ata që ishin grupi legjitim, që ka vetë interes, u bind.

Pasi u bindën aktorët, politika e mbrapshtë, që nuk do që t’i shkojë asgjë mbarë Shqipërisë, tha: ‘Ou, na u prish plani, tani o burra ta marrim vetë kontrollin e kësaj dhe me ç’na ka ngelur nga ata të lodrave, ç’a kemi portale, hajde ta sabotojmë me çdo kusht! Projekti u sabotua vetëm për 40 ditë. Në shtator do të futemi në fazën e tretë, ku politika e mbrapshtë do të mundet sërish me votat që populli shqiptar i ka dhënë Tiranës dhe Shqipërisë për ndryshim.

Ka shumë politikanë që me sjelljet e tyre ushqejnë sherrin, ndërkohë detyra jonë është të ushqejmë punën, dashurinë për vendin dhe për njeri-tjetrin. Kjo është motoja jonë dhe ndaj do fitojmë”, tha Veliaj.