Veliaj rrëzon Dukën dhe FSHF, Gjykata: U manipuluan zgjedhjet në Tiranë!
Ishte e qartë që në zgjedhjet e Shoqatës Rajonale në Tiranë, ashtu si edhe në çdo Shoqatë tjetër, FSHF abuzoi me listat dhe mënyrën e votimit, por nuk ishte e qartë nëse Kryetari i Bashkisë Tiranë, Erjon Veliaj, do të përfundoj si ndjeri Bashkim Fino me dëshmi në duar.
Në cilësinë e aksionerit në klubin e Tiranës, kryetari i Bashkisë, Erjon Veliaj, bëri një kallëzim në Gjykatën e Tiranës, e cila i dha të drejtë Erjon Veliajt duke hedhur poshtë të gjithë vendimet e marra nga Shoqata Rajonale Tiranë.
Gjykata e Tiranës rrëzoi vendimet dhe pretendimet e FSHF-së duke regjistruar Eduard Prodanin, i cili kandidoi për postin e kryetarit.
Me këtë vendim të Gjykatës së Tiranës konfirmohet se FSHF ka manipuluar këtë proces, jo vetëm në Tiranë, duke bërë që në Asamblenë e 2 marsit të shkojnë përfaqësues jo ligjor.
