Veliaj shkarkon Zyrtarët e lartë/ Reagimi, PDIU: Është shpejt të sillesh si kryeministri!

Pas vendimit të kryetarit të Bashkisë së Tiranës, Erion Veliaj, për shkarkimin e Nënkryetares së Bashkisë, Kozeta Mesiti dhe Drejtorin e tregjeve, Sokol Hysa, që vijnë nga nga radhët e PDIU, me arsyetimin se kanë marrë pjesë në Protestën e Madhe të Opozitës më 16 Shkurt, regon PDIU duke theksuar se e drejta për të protestuar në ditë pushimi, është e drejtë e çdo qytetari ndërsa vendimin e konsideron hakmarrës e qesharak të Veliajt.

“Vendim hakmarrës e qesharak i Erion Velisë. E drejta për të protestuar në ditë pushimi, është e drejta e çdo qytetari që ka lindur para Lali Erit, që mendon që nënkryetaren e Bashkisë dhe një grusht të mbeturish të punësuar në bashki i ka peng,” thekson PDIU ndërsa për sjelljen e kryetarit të Bashkisë së Tiranës shton. “Erion Veliaj është shpejt të sillesh si Kryeministri!”