Vëllai i presidentit iranian dënohet për korrupsion

Vëllai i presidentit iranian Hassan Rohan është dënuar me pesë vjet burg për korrupsion dhe ryshfet.

Një zëdhënës i organeve të drejtësisë në Iran, Gholamhossein Esmaili, u tha gazetarëve se Hossein Fereydoun, mund të përballet me akuza të tjera në një rast tjetër, megjithëse ai nuk dha detaje, raporton RFE.

Agjencia e lajmeve Fars duke cituar “një burim të mirëinformuar” thekson se “Fereydoun supozohet se pagoi para shuma të mëdha për individë të caktuar, në banka dhe sektorë të tjerë me ndikim të ekonomisë.”

Dy vjet më parë më shumë se 46 ligjvënës i bënë thirrje Rohanit, të paraqiste vëllanë e tij para organeve të drëjtësisë për t’u përballur me akuza për korrupsion.

Në atë kohë, kjo kërkesë, u bëri jehonë deklaratave nga rivalët e Rohanit të cilët e akuzuan Fereydounin si personin kyç për korrupsion nga rrethi i brendshëm i presidentit.