“Vëllezërit e Sorosit”, Berisha: Edi Rama dhe Erion Veliaj, ora e llogaridhënies po afron!

Ora e llogaridhënies po afron! Ky ishte mesazhi i Kryetarit të Partisë Demokratike, Sali Berisha, nga “Rruga e Shpresës” për Kryeministrin Edi Rama, njeriun i cili përdori armën e tmerrshme të korrupsionit për të goditur antikorrupsionin së bashku me mafien ndërkombëtare; Pa harruar dhe grupin e tij të organizuar kriminal me në krye Damanin në Skapin e partisë, për një vendim antikushtetues, antidemokratik kundër pluralizmit, për të cilin do të japin llogari gjithë jetën.

“Edi Rama e kuptoi se me Sali Berishën, pas grabitjes së zgjedhjeve të 14 majit, ai nuk do mund të zhvillonte zgjedhje të tjera në Shqipëri. Edi Rama e kuptoi se njeriu, ndaj të cilit ai me lobim korruptiv me George Sorosin, McGonigalin, mendoi se i dha goditjen nukleare, por që së bashku me ju, u ngritur si Feniksi nga hiri, e kuptoi se nuk ka të ardhme, se nuk ka më fitore, se do japë llogari për të gjithë krimet e tij,” tha Sali Berisha duke rikujtuar para demokratëve që vazhdojnë ti qëndrojnë besnik ndërsa ai është në arrest shtëpie, se në mbrojtje të interesit kombëtar, denoncuan në një moment kritik për vendin, projektet e Serbisë së Madhe, të shkëmbimit të territorit, de facto të ndarjes së Kosovës midis Serbisë dhe Shqipërisë.

“Kundërshtuam ndryshimin e kufijve dhe ndarjen, por firmën në projekt e kishte Xhorxh Sorosi dhe OJQ-ja e tij në Beograd. Kundërshtuam Ballkanin e Hapur, por nuni i Ballkanit të Hapur ishte Xhorxh Sorosi dhe Sergej Lavrov. Po, po, tjetër punë se njerëzit nuk guxonin të shqipëronin emrin e Sorosit.

Po ju ju kujtohet se Aleks Soros, njeri i pazgjedhur në asnjë forum, njeri pa asnjë mandat, njeri që nuk përfaqëson asnjë komb, asnjë vend, paraqitej si një mbret de facto në të gjitha takimet serbomadhe të Ballkanit të Hapur,” u shpreh lideri i opozitës për projektet të cilat sot janë në arkivat e tradhtisë kombëtare të Edi Ramës.

“Të gjitha këto sigurisht zemëruam konjukturat, por ne qendruam dhe do qëndrojmë me çdo çmim dhe çdo kusht në mbrojtje të interesit kombëtar të Shqipërisë dhe të shqiptarëve. Për ne, interesi kombëtar është dhe do jetë interesi i parë,” tha Kryetari i Partisë Demokratike duke shtuar se këto ishin shkaqet themelore se pse Sali Berisha u vendos në arrest shtëpie, mirëpo, e pranon se ishin demokratët që vazhdojnë ta kundërshtojnë këtë vendim të ligjëruar nga SPAK dhe GJKKO, se kanë meritë të jashtëzakonshme se këtë janar, që do të ishte një janar i zi për kombin shqiptar, të mbledhur në “Rrugën e Shpresës” çdo natë, i dhanë dritë këtij janari.

“Ndriçuat jo vetëm këtë janar, por ndriçuat muajt, vitet që vijnë. Ndriçuat të ardhmen tuaj dhe të shqiptarëve. Ju e shndërruat këtë janar, i cili për Edi Ramën duhej të ishte janari i funeralit të pluralizmit, në janarin e ringjalljes së pluralizmit. Në janarin e ringjalljes së shpresës. Me betejën tuaj pa kthim, së bashku me deputetët në parlament, ju rrezatuat shpresë dhe besim në të katër anët e vendit, kudo që janë shqiptarët.”

Në fund, duke konstatuar se në çdo skandal dhe superskandal të Erion Veliajt dhe të Edi Ramës, të nesërmen do keni një fotografi me Aleksandër Sorosin, njeriun që ka mbrapa 20 miliardë dollarë, Kryetari i Partisë Demokratike, Sali Berisha, thekson se në Instagramin e tij shkruan gjithnjë, me vëllain tim, Erion Veliaj, me vëllain tim, Edi Rama, ndërsa përfundon:

“E vërteta është, ata që quan ti vëllezër, për shqiptarët janë hajdutët më të mëdhenj në histori dhe shqiptarët nuk do e pranojnë kurrë këtë mbrojtje që u bën ti hajdutëve të shëmtuar të kombit shqiptar.

Ne, të vazhdojmë betejën tonë, të ecim të sigurt drejt fitores. Këta hajdutë që kemi përpara, këta janë frikacakët më të mëdhenj të Shqipërisë. Këta hajdutë që kemi para, janë të parët që do ia mbathin.

Fjala e plotë:

Mirëmbrëma dhe përshëndetjet më të përzemërta!

Të dashur luftëtarë të lirisë, misionarë të shpresës, misionarë të fitores! U mbush një muaj që ju sakrifikoni dhe mblidheni këtu çdo darkë.

Viti 2024 nisi në Shqipëri njëlloj si në Ugandën e Musevenit, Bjellorusinë e Lukashenkos, Tunizinë, Teheranin e Ajatollahëve. Kreu i organizatës kriminale të qeverisë shqiptare vendosi në arrest liderin e opozitës, duke i dhënë kështu opozitës shqiptare, pluralizmit politik, goditjen më të rëndë. Duke spostuar Shqipërinë nga hapësirat euro-atlantike në hapësirat despotike diktatoriale. Kjo ishte sigurisht një goditje shokuese për të gjithë demokratet, demokratët dhe opozitarët shqiptarë.

Edi Rama, i tmerruar nga beteja në parlament, i tmerruar nga fuqizimi i opozitës, denoncimi i përditshëm i aferave të tij kriminale, vjedhjes së shekullit, Dubai City-t të Durrësit, PPP-ve të tij. I tmerruar nga denoncimet e vjedhjeve familjare, me familjen e tij të ngushtë. I tmerruar nga qëndrimi juaj, zgjodhi të vendosë në arrest shtëpie Sali Berishën. Duke besuar se në këtë mënyrë ai do heshtë zërin e tij.

Miqtë e mi!

Vendosja në regjim arresti të një njeriu, për të cilin nuk ka asnjë fakt, asnjë provë, asnjë dokument, asnjë firmë që të faktojë se ka shkelje më minimale të ligjit, asnjë dëshmi që të faktojë se ka bërë presionin më të vogël, dëshmon karakterin fund e krye politik, dëshmon një akt frikacak të Edi Ramës.

Edi Rama e kuptoi se me Sali Berishën, pas grabitjes së zgjedhjeve të 14 majit, ai nuk do mund të zhvillonte zgjedhje të tjera në Shqipëri. Edi Rama e kuptoi se njeriu, ndaj të cilit ai me lobim korruptiv me Xhorxh Sorosin, McGonigalin, mendoi se i dha goditjen nukleare, por që së bashku me ju, u ngritur si Feniksi nga hiri, e kuptoi se nuk ka të ardhme, se nuk ka më fitore, se do japë llogari për të gjithë krimet e tij.

Edi Rama, që përdori armën e tmerrshme të korrupsionit për të goditur antikorrupsionin, doli lakuriq para vetes, para botës, së bashku me mafien ndërkombëtare, se ata ishin korrupsioni dhe se ata kishin tmerr nga denoncimet e Sali Berishës të korrupsionit të tyre.

Kjo është e vërteta, ndaj dhe përdori mercenarë, përdori grupin e tij të organizuar kriminal me në krye Damanin në Skapin e partisë për një vendim antikushtetues, antidemokratik kundër pluralizmit, për të cilin do të japin llogari gjithë jetën.

Edi Rama, pasi u diskreditua botërisht për të gjithë serbofilinë, rusofilinë e tij, e dinte se dita, ora e llogaridhënies po afron.

Të dashur mi!

Mos harroni se në mbrojtje të interesit kombëtar, denoncuam në një moment kritik për vendin, projektet e Serbisë së Madhe, të shkëmbimit të territorit, de facto të ndarjes së Kosovës midis Serbisë dhe Shqipërisë. Qendruam të palëkundur në besimin tonë.

Ku është ai projekt sot? Ai projekt është në arkivat e tradhtisë kombëtare të Edi Ramës, e këtij vasali të Beogradit. Kurse ne bëmë detyrën, mbrojtëm interesin e kombit shqiptar. Vazhdoi ky argat i shpifur i Beogradit me Ballkanin e Hapur. Kurse ne mbrojtëm interesin e kombit shqiptar, interesin e rajonit dhe të Europës, sepse jo hegjemonia serbe në rajon, por rajoni i vendeve të pavarura dhe të barabarta, është dhe do bëhet rajon paqeje dhe prosperiteti.

Kundërshtuam ndryshimin e kufijve dhe ndarjen, por firmën në projekt e kishte Xhorxh Sorosi dhe OJQ-ja e tij në Beograd. Kundërshtuam Ballkanin e Hapur, por nuni i Ballkanit të Hapur ishte Xhorxh Sorosi dhe Sergej Lavrov. Po, po, tjetër punë se njerëzit nuk guxonin të shqipëronin emrin e Sorosit.

Po ju ju kujtohet se Aleks Soros, njeri i pazgjedhur në asnjë forum, njeri pa asnjë mandat, njeri që nuk përfaqëson asnjë komb, asnjë vend, paraqitej si një mbret de facto në të gjitha takimet serbomadhe të Ballkanit të Hapur. I dënuam ato, sepse mbajtëm anën e Ballkanit të Brukselit, e Ballkanit të Berlinit dhe jo të Ballkanit rus, as të Ballkanit të Beogradit.

Të gjitha këto sigurisht zemëruam konjukturat, por ne qendruam dhe do qëndrojmë me çdo çmim dhe çdo kusht në mbrojtje të interesit kombëtar të Shqipërisë dhe të shqiptarëve. Për ne, interesi kombëtar është dhe do jetë interesi i parë.

Të dashur miq!

Pra këto ishin shkaqet themelore se pse Sali Berisha u vendos në arrest shtëpie. Mirëpo, ju keni meritë të jashtëzakonshme se këtë janar, që do të ishte një janar i zi për kombin shqiptar, ju të mbledhur këtu çdo natë, i dhatë dritë këtij janari.

Ndriçuat jo vetëm këtë janar, por ndriçuat muajt, vitet që vijnë. Ndriçuat të ardhmen tuaj dhe të shqiptarëve. Ju e shndërruat këtë janar, i cili për Edi Ramën duhej të ishte janari i funeralit të pluralizmit, në janarin e ringjalljes së pluralizmit. Në janarin e ringjalljes së shpresës. Me betejën tuaj pa kthim, së bashku me deputetët në parlament, ju rrezatuat shpresë dhe besim në të katër anët e vendit, kudo që janë shqiptarët.

Të dashur miq!

Këto ditë ka pasur zhvillime të tjera të jashtëzakonshme. Këto ditë drejtësia e SHBA kryqëzoi, gozhdoi, akuzoi si kriminel që ka korruptuar njeriun kryesor të kundërzbulimit të SHBA, Edi Ramën. Edi Rama është sot një kufomë e pakallur. T’i vërsulemi, ta arrestojmë, ta nisim drejt McGonigalit.

Të dashur miq!

Po përpëlitet se si e si ku mund të fusë kokën.

Prej disa ditësh ka bllokuar serverat, kompjuterat, të cilat i kërkon Interpoli, në të cilën gjendet të gjithë dokumentet e krimit të tij ndërkombëtar. Për të maskuar veprimin e tij, ka urdhëruar ministritë, asnjë dokument SKAP-it të partisë.

Por ja ku po ta them Edi Rama se i ke kohërat e numëruara. Jep dorëheqjen se kudo që të shkosh, fatin e baballarëve të tu do kesh. Nuk të shpëton dot Altin Dumani, përkundrazi do ndani fatin bashkërisht. Të njëjtin fat me asnjë makinacion, me asnjë pretekst nuk të mbron më. Shqiptarët, çdo minutë e kanë për turp të kenë një kryeministër si ti.

Miqtë e mi!

Këto ditë i keni ndjekur, Gjykata Anti-Kushtetuese, prodhim i Soros-reformës, është sot institucioni gjyqësor më qesharak i planetit. Më i turpshëm, më joserioz, më vasal, më i shitur!

Kjo gjykatë pak ditë më parë mori përsipër të shkelmojë të drejtën kushtetuese të opozitës për t’iu drejtuar asaj.

Njerëz pa moral juridik, njerëz të blerë kokë e këmbë. Njerëz që paguhen katër herë më shumë se kolegët e tyre në Maqedoni. Njerëz të blerë nga Edi Rama, që paguhen 20 përqind më shumë se kolegët e tyre në Slloveni, paçka se Sllovenia ka të ardhura pesë herë më të larta se Shqipëria.

Këta gjykatës të turpshëm, që turpërojnë njeri e drejtësi, vendosin të miratojnë ligjin për Skavicën, krimin e shëmtuar të përmbysjes së Dibrës. Këta gjykatës pa ligj dhe pa moral ligjor, e shohin se afera është prokurim pa garë. Me Kushtetutë, ajo bie në çdo gjykim. Këta gjykatës pa ndërgjegje njerëzore, të shitur kokë e xhep, thonë se nuk gjykojnë vendimet e qeverisë.

Ju them unë ju. Ajo gjykata para Soros, ka rrëzuar të paktën 40 vendime të qeverisë. Pra, këta mashtrues hiqen sikur paskan tagër vetëm aktet normative dhe jo parimet themelore të Kushtetutës, konkurrencën e lirë. Por kjo është një rënie e plotë e këtij sistemi, është një triumf i plotë i mafies, i narkoshtetit, i narkodiktaturës.

Në këtë gjykim, këta gjykatës që është turp t’i quash gjykatës, këta individë të shitur kokë e xhep i lejojnë vetes të shndërrohen në këshilltarë, në një kohë kur Kushtetuta përcakton vendimin e tyre të barabartë me normën kushtetuese. Një grup i tillë është i rrezikshëm, nuk e meriton të ekzistojë.

Miqtë e mi!

Dua të përshëndes përzemërsisht këtu, këshilltarët, parlamentarët e qytetarëve të Tiranës për betejën që po zhvillojnë në Bashkinë e Tiranës, t’i përshëndes për fjalën e tyre, për qendrimet e tyre. Të ftojnë qytetarët e Tiranës të mos tolerojnë një turp, një hajdut, një vjedhës si Erion Veliaj të përdhosë shtëpinë e parë të Tiranës, shtëpinë e parë të kryeqytetit, zemrës dhe trurit të kombit.

Ta kërrejnë me lecka këtë hajdut që në paturpësinë më të madhe u deklaron se ka mbjellur 1 milionë pemë, në fakt ka vjedhur paratë tuaja për 1 milionë fidanë. Dhe a e ju dini se sa i ka blerë fidanet ai? I ka blerë me Blendi Gonxhen edhe 6500 euro, edhe 5000 euro. Ndaj dhe merreni bashkinë në dorë, mos lini një hajdut si ai ta përdhosë atë.

Mos harroni se ky hajdut i mbrojtur nga binomi i grupit të strukturuar kriminal Dumani-Kraja, gjobit për çdo ton mbetje qytetarët e Tiranës me 29 euro, tarifa ligjore kjo për djegien e tyre, në një kohë kur nuk digjet asnjë ton.

Të dashur qytetarë dhe qytetare!

Ky hajdut, të cilin e tmerruan hekurat e Tedi Blushit, në fakt jo me hekura, por me lecka duhet të qërohet nga ajo zyrë.

Çojani Dumanit, çojani Krajës ta mbajnë për vete hajdutin, sepse me të kanë ndarë paratë, 130 milionë euro vetëm për djegësin e Tiranës dhe nuk kanë guxuar gjer sot as ta pyesin një herë të vetme.

Të dashur miq!

I dëgjoj unë mendimet kontradiktore për Dumanin.

Por këtyre zotërinjve u them, shtroni pak një pyetje: Si ka mundësi që ky Dumani, në fashikullin e akuzës për Arben Ahmetajn, që e shkëputi nga procedura për të mbrojtur Erion Veliajn dhe Edi Ramën, përmend 13 herë emrin e Erion Veliajt.

Kurse kur dosja e djegësit të Tiranës, për të cilin janë shpenzuar 130 milionë euro dhe nuk ekziston asnjë gjurmë e tij, shkoi në gjykatë, nuk ekzistonte asnjëherë të vetme emri i Erion Veliajt.

Ta pyesin pak: Altin, çfarë ndodhi me ty, more ndonjë thes me paratë e djegësave, apo të nxori ndonjë karton të kuq Edi Rama? Thuaja shqiptarëve dhe mos u hiq si i pavarur.

Të pyesin pak Damanin, po ti që për Ilir Beqajn me shumë të drejtë në mendimin e pakicës kërkove që të hetohej se as në hetim nuk ishte, në fakt të jemi realistë, hajdut si Ilir Beqaj mund të jetë vetëm Erion Veliaj, Blendi Gonxhe dhe Edi Rama. Tjetër nuk ka.

Por problemi është se vjedhja e deritanishme, abuzimi i Ilir Beqajt shkon gjithsej 76 milionë euro. Kurse ky i Veliajt shkon 130 milionë euro me Edi Ramën. Atëherë si ka mundësi që nuk bën një shënim pakice? Nuk ta mban, të blenë, të vunë nën kontroll. Avash avash do t’i gjejmë.

E vërteta e kap lepurin me qerre. Jo pushteti, e vërteta! Se pushteti është i kapur. Pushteti është kalbësirë këtu.

Sot ishte një ditë e mirë. Një betejë u zhvillua në shtëpinë e parë të Tiranës. Beteja do të vazhdojë në parlamentin e krimit, gjersa ta kthejmë në parlamentin e pluralizmit.

Miqtë e mi!

Siç keni konstatuar edhe ju, në çdo skandal dhe superskandal të Erion Veliajt dhe të Edi Ramës, të nesërmen do keni një fotografi me Aleksandër Sorosin, njeriun që ka mbrapa 20 miliardë dollarë.

Në Instagramin e tij shkruan gjithnjë, me vëllain tim, Erion Veliaj, me vëllain tim, Edi Rama.

E vërteta është, ata që quan ti vëllezër, për shqiptarët janë hajdutët më të mëdhenj në histori dhe shqiptarët nuk do e pranojnë kurrë këtë mbrojtje që u bën ti hajdutëve të shëmtuar të kombit shqiptar.

Ju falënderoj shumë edhe njëherë, të vazhdojmë betejën tonë, të ecim të sigurt drejt fitores. Këta hajdutë që kemi përpara, këta janë frikacakët më të mëdhenj të Shqipërisë. Këta hajdutë që kemi para, janë të parët që do ia mbathin.

Rrofshi ju, rroftë Shqipëria.

Fitore, fitore, fitore!