Vendet që humbin më shumë njerëz nga emigracioni, si renditen Shqipëria dhe Kosova

Lëvizja e njerëzve në kërkim të mundësive më të mira ekonomike, sigurisë nga konfliktet dhe kushteve të përmirësuara të jetesës nuk është një fenomen i ri.

Por duke gjurmuar se cilat vende po humbasin më shumë njerëz nga emigracioni neto, d.m.th. duke pasur më shumë njerëz që ikin se sa njerëz që vijnë në vend, shpesh ndihmon në nënvizimin e pasojave të zhvillimeve ekonomike dhe politike në të kaluarën e afërt.

Platforma Visual Capitalist ka renditur 14 vendet kryesore që kishin emigracion neto më të lartë në 2023. Të gjitha shifrat janë të rrumbullakosura dhe janë marrë nga Perspektivat e Popullsisë Botërore të OKB-së 2024.

Shqipëria renditet në vendin e 35 në botë me një numër neto negative të emigracionit prej 25 mijë, ndërsa Kosova në vendin e 31, me një shifër prej 29 mijë.

Vendet kryesore sipas emigracionit neto negativ

Pakistani kishte një numër neto negativ të emigracionit prej 1.6 milion njerëz, më i larti nga të gjitha vendet në vitin 2023. Kombe të tjera aziatike si India (-980,000), Kina (-570,000) dhe Bangladeshi (-550,000) janë gjithashtu shumë lart në renditje.

Visual Capitalist renditen të gjitha vendet (55 shtetet) që kanë parë një emigracion negativ neto prej të paktën 10,000 njerëzve, ku nga rajoni përfshihet vetëm Shqipëria dhe Kosova.

Sudani, i vendosur në Afrikën Verilindore, gjithashtu ka pasur një numër neto emigracioni në negativ shumë të lartë (-1,000,000), për shkak të një lufte të vazhdueshme midis Forcave të Armatosura Sudaneze (SAF) dhe Forcave paraushtarake të Mbështetjes së Shpejtë (RSF). Një zëdhënës i organizatës Mjekëve pa Kufij kohët e fundit pohoi se civilët në Sudan po vuanin “nivele të tmerrshme të dhunës”.

Në përgjithësi, ky grup të dhënash mund të ndahet midis vendeve ku emigrantët lëvizin për arsye ekonomike ose politike (India, Kina, Pakistani) dhe atyre që janë një zonë konflikti aktive (Sudan, Ukrainë, Palestinë). Sigurisht që shumë vende kanë një përzierje të të dyjave, me faktorë që ushqehen me njëri-tjetrin.

Një vështrim në top 20 zbulon se në rajon, Europa (kryesisht vende të qëndrueshme me të ardhura të larta) është e nënpërfaqësuar./Visual Capitalist/