Vendimet e Qeverisë/ 7 mld lekë për rindërtimin, në janar 2022 nis ndërtimi i bazës ajrore të Kuçovës

7 miliardë lekë janë shtuar për rindërtimin këtë vit, me qëllim për të përshpejtuar procesin. Vendimi është miratuar në mbledhjen e fundit të Këshillit të Ministrave.

Zv/Kryeministri Ahmetaj tha se fondi i rindërtimit për këtë vit kalon nga 28 miliardë lekë në 35 miliardë lekë, duke shtuar se në fund të këtij viti do të jenë një numër i konsiderueshëm familjesh që do të kthehen në shtëpitë e tyre pas 2 vitesh.

“Sot kaluan një grup vendimesh për rindërtimin të cilat bëjnë avancim të konsiderueshëm të financimit për bashkinë e Tiranës dhe për të 10 bashkitë e tjera. Llogaria e rindërtimit pra i gjithë fondi i rindërtimit kalon nga 28 miliardë lekë në 35 miliardë lekë. Avancimi  është bërë për të përshpejtuar të gjitha proceset e rindërtimit për të kthyer në shtëpitë e tyre apo në shtëpitë e reja të rindërtuar amë fortë më moderne të gjithë qytetarët që në 2019, 26 nëntor u detyruan të largoheshin si nga shtëpitë  dhe nga institucionet.  Kjo me të njëjtën logjikë për të përshpejtuar rikthimin e familjeve në shtëpi. Gjithandej do kemi një numër të konsiderueshëm familjesh që do kthehen në shtëpitë e tyre pas gati  2 vitesh”, tha Ahmetaj.

Janar 2022, do të nisë ndërtimi i bazës ajrore të Kuçovës

Ministri i Mbrojtjes Niko Peleshi njoftoi se në janar do të nisë ndërtimi i bazës ajrore të Kuçovës, një zhvillim me mbi 50 milionë euro.

“Në ditë e para të janarit do të vendosim guri e parë të bazës taktike të Kuçovë, bazë taktike e NATO-s. Një vendim i mirë dh ep familjet që preken nga shpronësimet sepse dua t’i siguroj që do shpronësohen sipas vlerës së tregut dhe pa asnjë vonesë. Ky është një zhvillim, mbi 50 milionë euro investim, punësim për të gjithë zonën për rreth. Është lajm i mirë për sigurinë e rajonit pasi do kemi bazë taktike ajrore të NATO-s që do të thotë siguri për sot dhe për nesër. Pas përfundimit të shpronësimeve do fillojmë punën për ndërtimin e bazës ajrore të Kuçovës”, tha Peleshi.

Balluku: Çmimi i energjisë nuk ndryshon për qytetarët dhe biznesin e vogël

Në ditët në vijim do të ketë një përkeqësim të motit. Ministrja e Infrastrukturës dhe Energjisë, Belinda Balluku u bëri thirrje qytetarëve të kenë kujdes, ndërsa deklaroi se janë miratuar dy akte që lidhen me prodhimin dhe furnizmin me energji elektrike.

“Qytetarët të kenë kujdes në zonat ku banojnë. Moti do të përkeqësohet në të gjitha zonat e Shqipërisë.

Ne kemi kaluar 2 akte shumë të rëndësishme. I pari për një ndryshim të disa indikatorëve të OSHEE, që kanë të bëjnë me tërmetin e 26 nëntorin, më pas me pandeminë dhe padyshim me krizën energjetike. Gjithashtu vendim edhe në drejtim të lehtësimit të pasojave të krizës energjetike.

Akti i dytë që është edhe akti më i rëndësishëm i kaluar për sot që prek të gjithë qytetarët. Theksoj faktin që nuk do ketë rritje të çmimit të energjisë. Këtë qeveria e ka siguruar që në muajin Tetor. Sot kemi kaluar një ndryshim në projekt vendimin për kushtet e vendosjes së detyrimit të shërbimit publik ndaj të licencuarve në sektorin e energjisë elektrike gjatë gjendjes së emergjencës në furnizimin e energjisë elektrike për përballimin dhe parandalimin e kësaj krize.

Sot kemi bërë ndryshime të rëndësishme për të adresuar këtë krizë energjetike. Dhe qëllim ka mirë koordinimin mes prodhuesit shtetëror të energjisë elektrike dhe operatorit të shpërndarjes me t gjitha ndërmarrjet bija që ai tashmë ka.

Shoqëria KESH ka detyrimin e furnizimit publik dhe duhet të furnizojë furnizuesin me të gjithë sasinë e nevojshme me qëllim furnizimin e plotë të tregut të rregulluar, atij të 0.4 volt sipas çmimit për njësitë energjisë elektrike të miratuar nga asambleja e përgjithshme e shoqërisë.

KESH detyrohet të prodhojë dhe dorëzojë pranë shpërndarësit 4.6 terra, aq sa është sasia mesatare për vit, që kërkohet për mbulimin e nevojës së abonentëve 0., pra abonentëve familjarë dhe atyre të biznesit të vogël, duke konsoliduar që çmimi për këto kategori do të mbetet  i pa ndryshuar.

Nevojitet marrja e masave shtesë nga KESH të cilat do të ndihmojnë në plotësimin e sasisë së nevojshme. Në ditët në vazhdim do kemi edhe shtime të tjera si një park fotovoltaik në Vaun e Dejës. KESH i vihen në dispozicion mekanizmat ligjorë”, tha Balluku./Monitor/