Vendimet e Qeverisë/ Aktivizohet koncesioni për ndërtimin e aksit Thumanë – Kashar
Këshilli i Ministrave ka miratuar një sërë vendimesh në mbledhjen e fundit, njëri prej të cilëve ka të bëjë me miratimin e projektvendimit që I hapë rrugë kontratës së koncesionit për projektimin, ndërtimin, investimin, operimin dhe transferimit të aksit Thumanë-Kashar.
“MIE sot ka paraqitur 5 VKM, njëra prej të cilave ka të bëjë me shpronësimi, dy për hekurudhën Tiranë-Rinas-Durrës. Do të ndalem tek dy prej VKM.
Ajo për përcaktimin e kritereve të rregullave transferimit të të drejtave të licencave minerare nga zotëruesi. Duke qenë se ka pasur një ndryshim në ligjin 304 të miratuar më 15 korrik 2010 u konsiderua e nevojshme të amendohen disa rregulla për transferimin e lejeve. Kjo vjen pas një sërë abuzimesh me licensimeve. Për të fortifikuar këtë proces dhe për ti dhënë seriozitet sektorit minerar. Ne dëshirojmë ti kthehet dinjiteti dhe të vendosen rregulla e ligji të jetë parimi kryesor. Vitet e fundit është vërejtur një interes i madh për investitorët e huaj kështu që lind nevoja që të ketë vëmendje nga ministria.
Miratohet projektvendimi që i hap rrugë miratimit të kontratës së koncesionit për projektimin, ndërtimin, operimin, mirëmbajtjen dhe transferimin e aksit rrugor Thumanë-Kashar. Ka pasur debat publik për këtë çështje. Që në vitin 2019 në janar, kjo kontratë u anulua për shkak se ajo hapësirë fiskale u vendos në dispozicion të paktit të universitetit. I jemi kthyer kësaj kontrate edhe pas një vendimi gjyqësor, duke qenë se shkojmë në parametra të ri. Shteti nuk investon mbi këtë kontratë, Aksi do të investohet në parimin e koncesionit që do të investojë dhe operojë e transferojë pas 35 vitesh në pronësi të shtetit shqiptar. Procesi është bërë përmes një negocimi, dhe nuk duhet harruar se është ndër më të rëndësishmet të korridorit blu, dhe synojmë të hapim lotet brenda vitit 2022 që t’i kemi të përfunduar në 36 muajt e ardhshëm”, deklaroi ministrja e Infrastrukturës dhe Energjisë Belinda Balluku.
Një tjetër vendim ka të bëjë me pranimet ne universitet. Ulet mesatarja për pranimin në univeristet për degët e mësuesisë.
“Sot të gjithë maturantët që duan të vazhdojnë për mësuesi duhet të kenë minimumin e mesatares 7.5. Shqetësimet nga universitetet lidhen se jo të gjithë maturantet që regjistrohen duan të bëhen mësues. Në këto programe mund të hyjnë edhe maturantët që duan të vijojnë profesion tjetër. Jo të gjithë ata që vijojnë për gjuhë të huaj duan të bëhen mësues. Mund të ketë nga ata që duan të bëjnë përkthyer apo profesion tjetër. E njëjta gjë është edhe për ata që studiojnë për gjuhë letërsi.
Ne i japim mundësinë edhe maturantëve që mbarojnë studimet me 6.5, por do të kenë një numër standard në numrin e matrikulimit. Është një ndryshim që e kemi dakordësuar dhe me vetë universitetet dhe presim që në vitin e ardhshëm, numri i regjistrimeve të jetë më i lartë”, tha ministrja e Arsimit Evis Kushi./Monitor/
