Vendimet e Qeverisë/ Fëmijët e familjeve të prekura nga tërmeti përfitojnë bursë mujore, 3 Janari ditë pushimi…

Sot Këshilli i Ministrave ka marrë disa vendime të rëndësishme ku veçohet ai për fëmijët e familjeve të prekura nga tërmeti i 26 nënorit si dhe shpallja e 3 Janarit 2020 si ditë pushimi.

Këshilli i Ministrave ka miratuar vendimin për nxënësit të cilët ndjekin arsimin parauniversitar dhe arsimin e mesëm profesional në institucionet arsimore publike, anëtarë të familjes së personave që kanë humbur jetën në tërmetin tragjik të 26 Nëntorit në qarqet Durrës, Tiranë dhe Lezhë do përfitojnë një bursë mujore prej 15 mijë lekësh.

VKM:

Përfitojnë bursë në masën 15 000 (pesëmbëdhjetë mijë) lekë në muaj nxënësit, të cilët ndjekin arsimin parauniversitar dhe arsimin e mesëm profesional në institucionet arsimore publike, anëtarë të familjes së personave që kanë humbur jetën ose janë shpallur të zhdukur në qarqet Durrës, Tiranë dhe Lezhë, si pasojë e tërmetit të datës 26.11.2019.”.

Ndërkohë Këshilli i Ministrave për dallim nga rastet e ngjashme me festat tjera, ka vendosur që 3 Janarin si ditë e Premte, ta bashkojë me fundjavën e pushimit të fundvitit duke e shpallur ditë pushimi. Kështu të gjithë punonjësit do të shijojnë pushimet nga 31 dhjetori deri në 6 janar të vitit 2020.

VKM:

1.Caktimin e ditës së premte, datë 3.1.2020, ditë pushimi për punonjësit e administratës shtetërore.

2.Dita e punës e datës 3.1.2020 do të zëvendësohet në një nga ditët e pushimit brenda muajit janar.

3.Ngarkohen institucionet e administratës shtetërore për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.