Kryesia e PD: Kuvendi më 17 Korrik, zgjedhjet për Këshillin Kombëtar…

Në mbledhjen e sotme të Kryesisë së PD ku do të diskutohet dhe analizohet masakra zgjedhore e 25 prillit, pritet që të miratohet propozimi për thirrjen e Kuvendit Kombëtar të Partisë Demokratike më 17 Korrik si dhe mbajtja e zgjedhjeve për Këshill Kombëtar.

Mësohet se këto janë Vendimet që do të miratoj sot Kryesia e PD:

I. Thirrjen e mbledhjes së Kuvendit Kombëtar të Partisë, ditën e shtunë, datë 17 Korrik 2021, ora 11:00 me këtë Rend të Ditës:

1. Informimi i Kuvendit Kombëtar të Partisë mbi analizën e masakrës zgjedhore të 25 Prillit 2021 dhe përcaktimi i linjave kryesore të strategjisë politike  të Partisë Demokratike, në rolin dhe përgjegjësinë e saj në mbrojtjen e demokracisë, të drejtave themelore të njeriut dhe rikthimit të legjitimitetit të institucioneve demokratike.

2. Vlerësimi i mundësisë për ndryshime në Statutin e Partisë Demokratike të Shqipërisë, në funksion të rritjes së eficencës së organeve të partisë apo demokratizimin e mëtejshëm të mënyrës së funksionimit të strukturave të Partisë.

3. Zgjedhja e Këshillit Kombëtar të Partisë Demokratike.”.