Vendimi/ 35 deputetë nuk heqin dorë nga Kunati, bojkotojnë Kuvendin e PD-së
Ndonëse Kryetari i Komisionit të Rithemelimit, Belind Këlliçi, që në nisje të Kuvendit Kombëtar të Partisë Demokratike, tha se ky Kuvend i ka të gjitha shanset për t’u kthyer në një Kuvend historik dhe se vota e lirë e merita, të cilat janë shkallmuar nga Edi Rama dhe Lulzim Basha, duhet të vendosen sot njëherë e përgjithmonë, janë 35 deputetë që bojkotuan këtë Kuvend duke konfirmuar vazhdimin e mbështetjes së shkallmimit të votës demokrate nga Basha duke përqafuar vendimarrjen e Kunatit, siç ndodhi për 8 vjet.
Ky bojkot erdhi edhe pas zgjedhjeve lokale në Shkodër ku u pa se përkundër bojkotimit nga 6 deputetët e Kunatit që zyrtarisht përfaqësojnë Partinë Demokratike, demokratët shkodranë votuan kandidatin e Komisionit të Rithemelimit të PD, Bardh Spahia, të cilin vota e shpalli Kryetar të ri të Bashkisë Shkodër dhe jo pazaret e Kunatit me Lulin!
Kështu, deputetët që iu bindën urdhërave të Kunatit, i cili dje u pa se pas takimit me Nd/Sekretaren e Shtetit nuk e njeh më as Enkelejd Alibeajn si Kryetar të Komanduar por vetëm si Kryetar të Grupit Parlamentar, janë: Lulzim Basha, Enkelejd Alibeaj, Flamur Hoxha, Agron Gjekmarkaj, Alfred Rushaj, Andia Ulliri, Arbi Agalliu, Bledjon Nallbati, Dashnor Sula, Dhurata Çupi, Emilja Koliqi, Eralda Bano Tase, Fatjon Veizaj, Ferdinant Xhaferraj, Flutura Açka, Gazment Bardhi, Greta Bardelli, Helidon Bushati, Ilda Dhori, Jorida Tabaku, Kastriot Piroli, Xhelal Mziu, Kreshnik Çollaku, Lefter Gështenja, Lindita Metaliaj, Lulzim Basha, Merita Tabaku, Orjola Pampuri, Ramadan Likaj, Saimir Korreshi, Seladin Jakupllari, Zef Hila, Zheni Gjergji, Ervin Salianji, Grida Duma dhe Tomor Alizoti.
Ndërkohë ata që i qëndruan besnik votës, atyre demokratëve që i votuan janë 17 deputetë: Belind Këlliçi, Edi Paloka, Flamur Noka, Luan Baçi, Luçiano Boçi, Agron Shehaj, Albana Vokshi, Bujar Leskaj, Edmond Spaho, Isuf Çelaj, Elda Hoti, Oerd Bylykbashi, Sali Berisha, Sorina Koti, Tritan Shehu, Ina Zhupa dhe Kasëm Mahmutaj.
Ndryshe, sot edhe pse la shije të keqe bojkotimi i Kuvendit nga 35 deputetë të, kjo përçarje si sukses i padiskutueshëm i Edi Ramës, nuk ndikoi në ecurinë dhe suksesin e Kuvendit Kombëtar të që po zhvillohet sot.
