Vendimi, Asambleja Parlamentare e NATO-s: Kosova anëtare e asociuar!
Me vetëm një votë kundër, atë të Hungarisë, dhe 14 abstenime, Asambleja Parlamentare e NATO-s ka miratuar rekomandimin duke avancuar statusin e Kosovës nga anëtare Vëzhgues në anëtare të Asociuar.
Një ditë më parë, delegacioni i Parlamentit të Serbisë, ka kërkuar përmes një letre që Kosovës të mos i avancohet statusi, por që shumica nuk e ka marrë për bazë këtë kërkesë.
“Avancimi i statusit vjen pas disa viteve të bashkëpunimit të shkëlqyeshëm mes Kuvendit të Republikës së Kosovës dhe Asamblesë Parlamentare të NATO-s.
Nga qershori i vitit 2014, ne përfaqësoheshim si delegacion vëzhgues. Letrat e shumta e përpjekjet e vazhdueshme të delegacionit të Serbisë por edhe të akterëve tjerë politik në Beograd nuk ja dolën të ndalin Kosovën drejt avancimit të statusit,” tha deputeti Driton Hyseni i cili është kryesuesi i Delegacionit të Parlamentit të Kosovës në Asamblenë Parlamentare të NATO-s duke konfirmuar vendimin e Asamblesë, Kosova anëtar i asociuar në Asamblenë Parlamentare të NATO-s.
Pas këtij vendimi ka reaguar menjëherë Presidentja e Kosovës, Vjosa Osmani, duke theksuar se NATO është fati i Kosovës.
Grateful to all @natopapress members who voted in favor of upgrading Kosovo's status to that of an associate member.
— Vjosa Osmani (@VjosaOsmaniPRKS) May 27, 2024
NATO is Kosovo's destiny, and this move will ensure that the voice of the most pro-NATO people on Earth is heard.
We will continue our efforts together with our… pic.twitter.com/BRuzcttqde
“Mirënjohës për të gjithë anëtarët që votuan në favor të ngritjes së statusit të Kosovës në atë të një anëtari të asociuar. NATO është fati i Kosovës dhe kjo lëvizje do të sigurojë që zëri i njerëzve më pro NATO-s në Tokë të dëgjohet,” thekson Presidentja Vjosa Osmani në reagimin e saj përmes rrjetit social X, duke siguruar se Kosova do të vazhdojë përpjekjet së bashku me aleatët e saj për të çuar përpara edhe rrugën drejt NATO-s.
