Vendimi, BE pezullon liberalizimin e vizave me Rusinë, të hënën rusët i kthehen radhëve

Këshilli Evropian sot ka marrë vendim për pezullimin e plotë të marrëveshjes për liberalizimin e vizave në mes të BE dhe Rusisë.

Pezullimi i marrëveshjes që hynë në fuqi të hënën, për pasojë do t’ju kushtojë rusëve 80 euro për një vizë, radhë të gjata, dokumente shtesë me kërkesën për vizë, për të cilat do të duhet kohë të përpunohen.

“Rusia ka shkatërruar besimin dhe ka cenuar vlerat themelore të bashkësisë tonë ndërkombëtare. Vendimi i sotëm është pasojë e drejtëpërdrejtë e veprimit të Rusisë dhe dëshmi shtesë e përkushtimit tonë të vendosur për Ukrainën dhe popullsinë e saj,” tha ministri çek i punëve të brendshme, Vít Rakushan.

Ndryshe, marrëveshja për liberalizimin e vizave në mes të BE dhe Rusisë është në fuqi që nga 1 qershori i vitit 2007.

Marrëveshja politike për pezullimin e plotë të vizave u arrit javën e kaluar në një takim joformal të ministrave të jashtëm të shteteve anëtare të BE që u zhvillua në Pragë. Në këtë takim nuk u mbështet propozimi për ndalimin e vizave turistike për qytetarët e Rusisë, që u propozua nga disa shtete.