Vendimi, Edi Rama: Emergjencë në furnizimin e energjisë elektrike. Nesër…

Pas mbledhjes së jashtëzakonshme të qeverisë, sot Kryeministri Edi Rama deklaroi emergjencën në furnizimin e energjisë elektrike duke shtuar se me këtë vendim i hapim rrugë ekzekutimit të planit të posaçëm për ta përballuar këtë situatë dhe planin do ta bëjë publik nesër .

Duke ju referuar ekspertëve, Kryeministri Rama paralajmëroi normalizimin e situatës nga mesi i vitit të kaluar por jo dhe kthimin e çmimit që është sot.

“Sot kemi pasur një mbledhje jashtë rendit të përjavshëm për të marrë një vendim për të deklaruar emergjencën në furnizimin e energjisë elektrike. Vendimi i emergjencës është i diktuar nga një situatë e përgjithshme e rritjes marramendëse të çmimit të energjisë elektrike në tregjet ndërkombëtare dhe i jep qeverisë mundësinë që të ndërhyjë qoftë me instrumente financiare qoftë edhe me instrumente të natyrës administrative. Kështu që sot me këtë vendim i hapim rrugë dhe ekzekutimit të planit të posaçëm për ta përballuar këtë situatë dhe planin do ta bëjmë publik nesër.”

I pyetur se sa do të kushtojë paketa dhe sa kohë do të shtrihet Edi Rama presmtoi se gjithçka do të publikohet nesër:

“Natyrisht që i kemi përllogaritur të gjitha. Nesër do të publikojmë për të gjithë qytetarët planin e posaçëm. Në ndërkohë nuk mundet veçse t’iu referohemi analizave të ekspertëve dhe njëkohësisht edhe analizave që po bëjnë qeveritë e vendeve të ndryshme. Është një situatë shumë e ngjashme nga aspekti i goditjes me situatën e pandemisë, në kuptimin që të gjithë janë të afektuar. natyrisht që ndryshe nga pandemia, vende të ndryshme kanë disa karakteristika të ndryshme, por të gjithë janë të përfshirë në një arsyetim se si duhet ta përballin këtë situatë. Ekspertët mendojnë se kriza do të jetë prezentë me pikun, me kulmin e saj deri në mesin e vitit të ardhshëm dhe njëkohësisht mendojnë që dhe pas kapërcimit të kulmit çmimet nuk do të kthehen aty ku ishin para krizës. Ajo që ne na takon, që të mbrojmë konsumatorët tanë. Sigurisht me një rend prioritetesh, nga poshtë lartë, duke pasur parasysh ata që janë më në nevojë dhe pastaj duke shkruar lart përmes biznesit të vogël e më tutje. Rendi i prioriteteve është nga më të dobëtit tek më të fortit, jo e kundërta,” tha Edi Rama sjell në vëmendje atë që tha dje në parlamentin pa opozitë se e vetmja rritje çmimi që ka ndodhur në periudhën e qeverisjes sonë i takon vitit 2015 kur hymë në reformën e energjisë ndërsa përfundoi:

“Aty jo vetëm që çmimi u vendos në një pikë që nuk e mbulon koston, por në funksion të konsumatorëve familjarë dhe të biznesit të vogël dhe nga ana tjetër, diferenca mes çmimit të vjetër dhe të riut në atë kohë për rreth 200 mijë individë dhe familje paguhet sot e gjithë ditën nga shteti. Pra, pensionistë, familje në ndihmë ekonomike marrin nga shteti rreth 30 mln dollarë çdo vit, si kompensim për atë rritje mes çmimit të vjetër dhe çmimit të ri. Bëni llogari.”

Në fund, pasi tmerroi shqiptarët dhe foli edhe për Evropën e Britaninë e Madhe meqë opozitën nuk e ka përballë dhe kur Kryetari i Grupit Parlamentar i PD është njohës i mirë i energjetikës, nuk ka kush ti thotë këtij injoranti prej Kryeministri se çfarë është çmimi i energjisë elektrike nga TEC-i, HEC-i dhe bursa ndërkombëtare, dhe se çmimi i gazit në Britani ka pësuar rënie nga 4 paund për term në 2.71. Dhe, kjo rënie filloi dje kur Rama me shokët e tij opozitar po i hidhnin hi në sy shqiptarëve e Presidenti i Rusisë, Vladimir Putin, duke e quajtur një mashtrim të çmendur këtë ngritje të çmimeve, premtoi rritje të furnizimit nga Gasprom në mënyrë që kriza energjetike në Evropë të marrë fund.

Kur do të marr fund kjo krizë në Shqipëri, këtë nuk e vendos as Merkel dhe as Putin, e aq më pak Biden, por dora vetë Edi Rama!