Vendimi/ Gent Cakaj çnderon Konsujt e Nderit…
Pas interpretimit kriminal që i bëri Raportit të Departamentit amerikan të Shtetit, sot kur diplomacia shqiptare është në nivelet më të ulëta që nga ekzistimi i shtetit shqiptar, Zv/ministri i Punëve të Jashtme, Gent Cakaj, është i shqetësuar me “privilegjet” që gëzojnë Konsujt e Nderit. Për këtë arsye ai thirri një konferncë të jashtëzakonshme për media për të bërë publike masat urgjente për çnderimin e këtyre Konsujve:
“Kam vendosur marrjen e një mase tjetër të domosdoshme. Ka ardhur koha të zhbëjmë një praktikë sa origjinale në absurditetin e vet aq edhe në mopspërputhje me ligjet ekzistuese në Shqipëri dhe praktikat ndërkombëtare në përgjithësi. Jemi një vend në botë që kemi 48 Konsuj Nderi të veshur me privilegje diplomatike ngaqë operojnë me targa diplomatikë.
Bëhet fjalë për qytetarë shqiptarë që ne jemi të nderuar ti kemi si Konsuj Nderi, biznesmenë të njohur, afaristë të ndryshëm, pronarë mediash, analistë politik që janë të ngarkuar në Shqipëri si Konsuj Nderi nga vende të ndryshnme, pothuajse çdo kontinent i botës dhe qarkullojnë me privilegje të caktuara diplomatike në Shqipëri dhe jo vetëm njësoj si Ambasadorët dhe trupi diplomatik i akredituar në Shqipëri.”
Cakaj tha se janë 38 Konsuj Nderi, të cilët në shkelje të ligjit janë pajisur me targa CD, hyjnë dhe dalin nga kufijtë e vendit jo si qytetarë të thjeshtë shqiptarë, madje as si shumica e zyrtarëve qeveritarë por si përfaqësuesit më të lartë diplomatik ndërkombëtar, por nuk tha se çfarë ndodhë me këta shkelës të ligjit dhe ata që i kanë mundësuar shkeljen:
“Ky privilegj special, krejt unikal në Europë, mbase dhe më gjerë është i pajustifikueshëm prandaj duhet të marrë fund. Informoj të gjithë personat në fjalë se zyra e protokollit do të fillojë menjëherë me kontaktimine tyre dhe ata janë të detyruar të dorëzojnë targat diplomatike dhe do të pajisen me menjëherë me shenjën dalluese ovale HCC.Në bashkëpunim me Ministrinë e Brendshme dhe atë të Transportit do të veprohet me eficencë të plotë për të marrë të gjitha masat ligjore dhe administrative që targat në fjalë të dalin jashtë funksionit dhe përdorimit.”
Përveç targave, Cakaj tha se Ministria do të marrë masa dhe për fuqizimin e dinjitetit të pasaportës diplomatike shqiptare, e cila sipas tij është vënë në pikëpyetje në shumë vende për shkak të kritereve sesi është plotësuar deri tani.
“Jemi në proces reformimi dhe të pasaportës diplomatike dhe shumë shpejt do tu komunikoj rezultatet e kësaj inisiative,” tha Zv/ministri i Jashtëm, Gent Cakaj dukshëm i papërvojë sepse nuk kupton se dinjiteti i pasaportës diplomatike shqiptare nuk mund ta fuqizon një shtet i cili furnizon Evropën me drogë, dhe raportohet se për këtë trafikantët ndihmohen nga zyrtarët e shtetit.
