Vendimi, GJKKO: Fredi Beleri dënohet dy vite burg
Gjykata e Posaçme për Korrupsionin dhe Krimin e Organizuar, GJKKO, ka dënuar me 2 vite burg, Kryetarin e zgjedhur të Bashkisë Himarë, Fredi Belerin.
Ndërsa, GJKKO ka dënuar 1 vit e 6 muaj burg Pandeli Kokaveshin, por dënimi me burg për të është pezulluar dhe do të qëndrojë 3 vite në shërbim prove. Dënimi alternativ për Kokaveshin u vendos, për shkak të gjendjes së tij shëndetësore.
Pas vendimit të gjykatës, mbështetësit e Fredi Belerit të pakënaqur kanë thirrur “Turp”.
Ndryshe SPAK ka kërkuar 2 vite e 6 muaj burg për Fredi Belerin, duke e akuzuar për blerje votash, akuzë për të cilën u arrestua 2 ditë para zgjedhjeve të 14 majit. Gjithashtu, Prokuroria e Posaçme ka kërkuar 2 vite burg për mikun e tij Pandeli Kokaveshi.
Debati me gjyqtarin
Sot, në seancë Fredi Beleri është shprehur se e gjithë çështja është politike, duke shtuar se SPAK kërkon që ta dënojë, duke qenë që si pas tij kjo gjë është në interes të Edi Ramës ndërsa pati një replikë dhe me gjyqtarin relator Erion Çela.
Fredi Beleri: Keni rrëzuar çdo kërkesë, me keni privuar nga e drejta e betimit. Nuk e sollët dëshmitarin e duhur, atë që sollët, e pyetet për rrobat, jo për përgjimet.
Keni kundërshtuar dëshminë e penalitetit. Nga dita e parë deri më sot është një çështje politike. Keni shkelur parimin e prezumimit të pafajësisë dhe barazinë para ligjit.
Erion Çela: Paraqisni fakte dhe çfarë i shërben këtij procedimi. Në çdo seancë gjyqësore kapeni me gjyqtarë të veçantë për t’i anatemuat ata. Kërkesat e rrëzuara mund t’i ankimoni.
Fredi Beleri: Prokurori kërciste stilolapsin në tavolinë. Më ka bërë presion. SPAK kërkon të më dënojë përsa kohë i duhet Edi Ramës.
Sajesa qesharake të pabazuara. Ky hetim tregon si manipulohet procesi gjyqësor. Këto konkluzione nuk mund të merren parasysh nga trupa e gjykimit.
U përdorën thëniet e një dëshmitari i dënuar për mashtrim. Kjo çështja ka qenë dhe është politike. U shkel prezumimi i pafajësisë. Nuk ka pasur një proces të rregullt gjyqësor. U ndodha para një diskriminimi.
Qëllimi i arrestimit dhe mbajtja në burg, është që Rama të mbajë zgjedhje të reja në Himarë. Herët ose vonë do ta gjej drejtësinë. Gjyqtarë sot duhet t’i thoni jo naciononalizmit të sëmurë.
Dosja nuk ka fakte, ndaj nuk kam kërkuar gjykim të shkurtuar. Të gjitha gjetjet e prokurorisë kundërshtohen nga avokatët e mi. E vërteta do dalë një ditë, herët a vonë.
Jam përgjuar 24 orë ne ditë dhe e njëjta makinë që thonë ishte në vendngjarje. I njëjti njeri me kapuç që thonë ishte Arseni, nuk u vërtetua që ishte Arsen Rama.
Kërkesa e prokurorisë për 2.6 vite burg, nuk ka asnjë logjikë. Për dy kryetar Bashkie ka kërkuar shërbim prove.
Sa herë të ketë zgjedhje rezultati do jetë i njejtë. Himariotët nuk janë budallenj.
Jam besimplotë, nuk e ndjej veten fajtor. Herët a vonë do gjej drejtësi. Sot duhet ti thoni ju Jo presionit të pushtetit. Të tjerët janë kalimtarë dhe besnikë të partisë.
