Vendimi/ Gjykata britanike: Pezullimi i parlamentit ishte veprim i paligjshëm!

Vendimi i kryeministrit britanik, Boris Johnson, për të pezulluar punën e parlamentit, ishte veprim i paligjshëm. Kështu ka vendosur Gjykata Supreme e Britanisë së Madhe.

Kryetarja e Gjykatës, Brenda Hale tha se efektet në themelet e demokracisë së vendit ishin ekstreme. Ajo tha se 11 gjyqtarët vendosën njëzëri se vendimi për pezullimin e parlamentit ishte i pavlefshëm dhe pa asnjë efekt, raporton RFE duke shtuar se i takon kryesuesit të parlamentit të vendos për hapat e mëtejshëm.

Kryesuesi, John Bercow, përshëndeti vendimin dhe tha se parlamenti “duhet të mblidhet pa vonesë”, duke shtuar se ai tani do të konsultohej me liderët e partive.

Kryeministri Johnson e pezulloi punën e parlamentit për pesë javë në fillim të këtij muaji. Kritikët deklaruan se ky veprim i kryeministrit Johnson, kishte për qëllim të kufizonte mbikëqyrjen e planeve të tij lidhur me procesin e daljes së Britanisë së Madhe nga BE-ja.

Por, Johnson, i cili po merr pjesë në konferencën e Kombeve të Bashkuara për ndryshimet klimatike në New York, nuk e ka përjashtuar mundësinë e një shpërbërjeje të re të Parlamentit nëse aktvendimi shkon kundër tij.

Ndryshe, Britania e Madhe duhet të largohet nga Bashkimi Evropian deri më 31 tetor