Vendimi, Grupi Parlamentar i PD:Kërkojmë përsëritjen e seancës së prezantimit të Programit dhe Qeverisë re
Kryetari i Grupit Parlamentar të Partisë Demokratike, Gazment Bardhi, ka bërë të ditur tre vendimet që janë marrë në mbledhjen e Grupit, ku më kryesori dhe i pari është përsëritja e seancës së sotme parlamentare ku Partia Socialiste kaloi vetëm me votat e mazhorancës dhe pa debat, Progamin e Qeverisjes dhe Qeverinë e re.
“Së pari ne kërkojmë përsëritjen e seancës, solemne kushtetuese parlamentare, të paraqitjes së programit politik dhe të përbërjes së Këshillit të ministrave.
Së dyti i bëjmë thirrje Presidentit të Republikës të marrë gjithë praktikën parlamentare të asaj që ndodhi për të konstatuar që votimi është tërësisht antikushtetues, sepse është kryer jashtë rregullave të caktuara nga kushtetuta dhe nga rregullorja e Kuvendit. Dhe të mos thërrasë për betim anëtarët e propozuar të Këshillit të Ministrave, pa patur një procedurë korrekte parlamentare ashtu siç kushtetuta dhe rregullorja e cakton.
Dhe, së treti, Grupi Parlamentar i PD ka vendosur, nisjen e procedurave parlamentare të shkarkimit për kryetarin e Kuvendit Niko Peleshi. Për shkak se nuk është kryetar Kuvendi, është një kukull që urdhërohet nga Edi Rama dhe është një njeri i marrë peng për shkak të aferave të tij. Këto ishin tre vendimet e Grupit Parlamentar,” tha Gazment Bardhi Brenda duke theksuar se sot të gjithë deputetët e opozitës ishin përgatitur për të zhvilluar një debat tërësisht konstruktiv në seancë plenare, por ajo nuk u lejua të zhvillohet me urdhër të Edi Ramës, por, vetëm u votua Programi i Qeverisjes dhe Qeveria e re.
Ndryshe, Edi Rama në fillim të fjalës së tij në seancë plenare kërcënoi opozitën se nëse nuk sillen sipas normave që ai përcaktoi çdo seancë do të mbyllet me votim, dhe ende pa e lexuar Programin, pa i dhënë fjalën fare Opozitës siç e përcakton Rregullorja që e hartoi dhe e votoi vetë, ai i dha fjalën Diellës së Edvin Kristaq Ramës me algoritmet e Sigurimit Shtetit, dhe i dha fund seancës së parashikuar 24 orëshe për 27minuat e 41sekonda duke miratua Programin dhe Qeverinë me 82 vota.
