“Vendimi i Albin Kurtit”, Edi Rama nuk i bënë thirrje vëlliat Vuçiç por akuzon Haradinajn!
Edhe sot Krymeinistri Edi Rama bënë të shqetësuarin për Kosovën ndonëse pas vendimit të Kryeministrit të Kosovës, Albin Kurti për të hequr taksën ndaj produkteve nuk bëri asnjë lëvizje drejt, siç e quajti në Tiranë, “vëllait Aleksandër”, në mënyrë që jetësohet dhe vendimi i Kurtit i cili kërkon vetëm vullnetin e mirë të Beogradit.
Por Edi Rama, meqë nuk e ka prerjen për tu shqetësuar për Kosovën ai i kthehet frymës familjare të partisë që drejton dhe bënë diversion brenda politikës kosovare për ti shërbyer Beogradit.
“Albin Kurti është në rrugën e duhur! Heqja e taksës do jetë dita e parë e tij si kryeministër në zyrë, jo më si lider opozite në zyrën e kryeministrit! Do t’i duhet të përballet me etiketën e ‘tradhëtarit’ po ani, ajo etiketë i dallon udhëheqësit e paqes nga statujat e luftës,” thekson sot Edi Rama përmes rrjetit social Twitter duke u munduar tij ejp vlerë reagimit të Ramush Haradinajt kundër Albin Kurtit për të cilin askush nuk u shqetësua, përveç se ata që po humbin përfitimet që kishin me pushtetin e tij
“Kurrë nuk është dëgjuar një idiotësi më e madhe se sa predikimi që taksa do sjellë njohjen e Kosovës nga Serbia dhe asgjë s’i ka bërë më shumë dëm Kosovës,se sa ajo taksë e kthyer nga një thirrje për vëmendje ndaj shkeljeve të CEFTA-s nga Serbia, në një litar në fytin e Kosovës!” thotë Edi Rama ndonëse idiotësi të tilla nxjerr nga goja dhjetë herë në ditë vëllai i tij Aleksandar Vuçiç që është dhe kërcëmi real për Kosovën dhe kombin shqiptar!
Në fund, Edi Rama duke akuzuar Ramush Haradinaj dhe duke i bërë avokatinë Albin Kurtit, mundohet të përçajë edhe më shumë politikën tashmë skajmërisht të acaruar në Kosovë:
“Me paturpësi Ramushi ka nisur baltosjen e Albin Kurtit! Albini mund të jetë gjithçka po kurrë nuk është shërbëtor i Serbisë! Uroj të mos tutet prej sulmeve të ulëta për heqjen e taksës që shkatërroi reputacionin ndërkombëtar të Kosovës dhe viktimizoi Serbinë në sytë e botës!” thotë Edi Rama duke harruar se në kulmin e luftës së UÇK-së kundër Serbisë ai nuk bënte shkrime te “Koha Jonë” kundër bombardimeve të NATO-s, por sepse nuk tutej ishte zëdhënës i Ushtrisë Çlirimtare të Kosovës në Prishtinën e pushtuar!
