Vendimi i BE/ Çelja e negociatave me Shqipërinë, Basha: Tani gjithçka është në dorën tonë…

Pas vendimit të Këshillit të Ministrave të Bashkimit Europian për t’i çelur negociatat Shqipërisë ka reaguar Kyetari i Partisë Demokratike, Lulzim Basha, duke theksuar se tani është në dorën tonë për të përmbushur të gjitha kushtet e vendosura për nisjen e tyre.

“Vendet anëtare të BE-së dëshmuan sot se e mbështesin Shqipërinë dhe shqiptarët me shprehjen e vullnetit për të hapur negociatat. Tani gjithçka është në dorën tonë për të përmbushur të gjithë kushtet e vendosura për nisjen e tyre,” thekson Lulzim Basha në reagimin e tij përmes rrjetit social Twitter duke përfunduar:

“Sa më shpejt të plotësojmë detyrimet aq më parë do të bëjmë realitet ëndrrën e shqiptarëve.”

Ja postimi i plotë:

Vendet anëtare të BE-së dëshmuan sot se e mbështesin Shqipërinë dhe shqiptarët me shprehjen e vullnetit për të hapur negociatat. Tani gjithçka është në dorën tonë për të përmbushur të gjithë kushtet e vendosura për nisjen e tyre. Sa më shpejt të plotësojmë detyrimet aq më parë do të bëjmë realitet ëndrrën e shqiptarëve. #ditemetemira“