Vendimi i GJND-së, Vjosa Osmani: Kosova sovrane, realitet i pakthyeshëm!
Duke përkujtuar vendimin e Gjykata Ndërkombëtare e Drejtësisë, GJND, ku 13 vjet më parë u konfirmua se deklarata e pavarësisë së Kosovës nuk e ka shkelur ligjin ndërkombëtar, Presidentja Vjosa Osmani i bënë thirrje vendeve të cilat nuk e kanë njohur pavarësinë e Kosovës, ta njohin realitetin.
“GJND 13 vjet më parë ka konfirmuar se deklarata e pavarësisë së Kosovës nuk e ka shkelur ligjin ndërkombëtar. 13 vjet më vonë, ky opinion historik mbetet një thirrje për vendet që nuk e kanë bërë ende një gjë të tillë,” shprehet Presidentja e Kosovës, Vjosa Osmani përmes rrjetit social Twitter duke përfunduar:
“Të bashkohen me demokracitë në mbarë botën dhe të njohin realitetin e pakthyeshëm të Republikës sonë sovrane.”
Ndryshe, më 22 Korrik të vitit 2010, duke ju përgjigjur kërkesës së shtetit të Serbisë, Gjykata Ndërkombëtare e Drejtësisë në Hagë ka shpallur vendimin këshillëdhënës, se deklarata e shpalljes së pavarësisë së Kosovës nuk ka shkelur të drejtën ndërkombëtare.
Kosova shpalli pavarësinë më 17 shkurt të vitit 2008.
