Vendimi i Kolegjit Zgjedhor, PD: Çfarëdolloj truku i Edi Ramës nuk e ndal ndryshimin!

 Pas vendimit të Kolegjit Zgjedhor për fletët e votimit për zgjedhjet e 25 Prillit, Përfaqësuesi i Partisë Demokratike në Kolegjin Zgjedhor, Ivi Kaso, tha se është Edi Rama, ai i cili nuk do që listat të janë të hapura pasi ka turp t’i paraqitet publikut me emrat që ofron për deputetë.

Ndërkohë Partia Demokratike, shton ai, ka lista të mira deputetësh, e në këto zgjedhje votuesit do të privohen nga mosrenditja e emrave.

“Ishte një vendim që sa i përket pjesës së ankimit, në lidhje me logon që Bindja Demokratike, ishte i drejtë në këtë pjesë, sepse ngjashmëria e logove dallohej qartë me sy të lirë. Sa i përket pjesës tjetër, të vendimit të Kolegjit, jemi të keq ardhur që mori këtë vendim. Sepse është Edi Rama ai që nuk ka vullnet, që listat që i cilësoi si të hapura, të ishin me të vërtetë të hapura dhe kandidatët të ishin me emra dhe mbiemra. Ai është i turpëruar nga emrat për deputetë. PD ka listën më të mirë të kandidatëve dhe për fat të keq, qytetarët nuk do i shohin kandidatët,” tha Ivi Kaso duke përfunduar:

“Çfarëdolloj truku zgjedhor nuk do e ndali ndryshimin që ka për të ardhur dhe ndryshim që do i prij PD dhe do të jetë pa Edi Ramën.”

Ndryshe, Kolegji Zgjedhor ka lënë në fuqi vendimin e KAS për fletën e votimit në zgjedhjet e 25 prillit. Kështu, me anë të këtij vendimi, identifikimi i kandidatëve në fletën e votimit do të jetë me numra dhe jo me emër e mbiemër, propozim ky i Komisionerit Shtetëror dhe Partisë Demokratike