Vendimi i Prokurorisë/ Reagimi, Basha: Në Shqipëri janë vendosur dy drejtësi: një për Edi Ramën dhe kriminelët dhe një për popullin!

Kryetari i Partisë Demokratike, Lulzim Basha ka reaguar pas refuzimit të sotëm të prokurorisë për të hapur hetimet për kryeministrin Edi Rama, si dhe refuzimin për të marrë nën hetim, kryetarin e Grupi Parlamentar të Partisë Socialiste, Taulant Balla dhe Drejtorin e Përgjithshëm të Policisë, Ardi Veliu.

“Edhe pse ai mashtroi publikisht se kishte bërë ekspertizë private të audiopërgjimit, me qëllim të qartë që të mbronte një kriminel dhe për të ndikuar dhe kërcënuar organet e drejtësisë që të mos hetonin, Prokuroria ka refuzuar të hapë hetimet për Edi Ramën,” thekson Lulzim Basha përmes rrjetit social Facebook duke shtuar:

“Gjithashtu, sot, prokuroria ka refuzuar të marrë nën hetim Ardi Veliun dhe Taulant Ballën. Po sot, prokuroria ka lëshuar përmes mediave të pushtetit lajmin se Saimir Tahiri e ka të ligjshëm gjithë lluksin në të cilin jeton.”

Është e njëjta prokurori që burgosi kuksianët, që burgos përditë njerëzit e thjeshtë për shkeljet më të lehta, që heton gazetarët kritikë dhe kundërshtarët politikë, vlerëson kryetari i PD, Lulzim Basha duke konstatuar:

“Në Shqipëri janë vendosur dy drejtësi: një për Edi Ramën dhe kriminelët dhe një tjetër për popullin. Edi Rama dhe kriminelët janë mbi ligjin, kurse mbi popullin ushtrohet dhunë duke abuzuar ligjin,” ndërsa pëfundon:

“Kësaj ‘drejtësie’ do ti vijë fundi shumë shpejt!”

Deklarata e plotë:

Prokuroria ka refuzuar të hapë hetimet për Edi Ramën, edhe pse ai mashtroi publikisht se kishte bërë ekspertizë private të audiopërgjimit, me qëllim të qartë që të mbronte një kriminel dhe për të ndikuar dhe kërcënuar organet e drejtësisë që të mos hetonin. Gjithashtu, sot, prokuroria ka refuzuar të marrë nën hetim Ardi Veliun dhe Taulant Ballën. Po sot, prokuroria ka lëshuar përmes mediave të pushtetit lajmin se Saimir Tahiri e ka të ligjshëm gjithë lluksin në të cilin jeton.

Është e njëjta prokurori që burgosi kuksianët, që burgos përditë njerëzit e thjeshtë për shkeljet më të lehta, që heton gazetarët kritikë dhe kundërshtarët politikë.

Në Shqipëri janë vendosur dy drejtësi: një për Edi Ramën dhe kriminelët dhe një tjetër për popullin. Edi Rama dhe kriminelët janë mbi ligjin, kurse mbi popullin ushtrohet dhunë duke abuzuar ligjin. Kësaj “drejtësie” do ti vijë fundi shumë shpejt!