Vendimi i Trump/ Moska alarmon botën, nuk e kupton se “Epoka Obama” ka marrë fund…
Pas deklaratës së Presidenti Trump se SHBA do të tërhiqet nga Traktati me Rusinë për armët bërthamore, i menjëhershëm ka qenë reagimi rus duke alarmuar botën për shpërthimin e mundshëm të një lufte me akuzat kundër Shteteve të Bashkuara.
Kryetari i Komisionit për çështje Ndërkombëtare të Rusisë, Konstantin Kosaçev ka kërkuar menjëherë mbledhjen e Këshillit të Sigurimit të OKB, për të diskutuar rreth, siç tha ai, situatës kritike.
“Aleatët perëndimorë të SHBA duhet të bëjnë zgjidhjen, të përcaktohen për të njejtën rrugë, që do të thotë mund të shkaktoj luftë të re, ose të përcaktohen në anën e mendjes së shëndoshë, duke gjykuar sipas instiktit për vetëpërmbajtje, sepse shumë pak do ta mbijetojnë një luftë bërthamore, e cila po afrohet pas vendimit të njëanshëm të SHBA,” thekson Kosaçev duke shtuar se katër fuqitë bërthamore, pa SHBA, duhet të konsultohen, dhe urgjentisht të bisedohet në Konferencën mbi çarmatimin në Gjenevë, si dhe në mbledhjen e KS të OKB, raporton Agjencia rus e lajmeve Tass duke përfunduar me deklaratën e kryetarit të Komisionit për çështje Ndërkombëtare të Rusisë, Konstantin Kosaçev:
“Situata është kritike dhe kërcënimet e paqes po marrin një formë të veçantë.”
Ndërsa Zv/ministri i Punëve të Jashtme të Rusisë, Sergei Rjabkov tha se Rusia pret nga Këshilltari për Siguri Kombëtare, John Bolton i cili po qëndron në vizitë zyrtare në Moskë, që të sqaroj planet e Washingtonit.
Pas këtij reagimi rus dhe akuzave kundër Presidentit Trump, siç duket Moska zyrtare është e vetmja e cila nuk e ka kuptuar se “Epoka Obama” ka marrë fund. Presidenti i SHBA është i vendosur, që jo vetëm SHBA por askush nga administrata amerikane nuk do të lejojë që të përdhoset fuqia më e madhe botë. Respekti nuk ka të bëjë më me mirësjellje, është detyrim…
Ndryshe, traktati i vitit 1987 i ndalon Shteteve të Bashkuara dhe Rusisë, posedimin, prodhimin dhe transportin e armëve bërthamore. SHBA kishte akuzuar Rusinë nga viti 2014 për shkelje të marrëveshjes. Rusia kishte kundërshtuar akuzat e SHBA-së duke theksuar se disa elemente të sistemit të armëve kanë qenë në kundërshtim me marrëveshjen.
Sot, Presidenti i SHBA, Donald Trump, e bëri të qartë: “Ne do ta ndalim marrëveshjen dhe do të tërhiqemi. Rusia ka shkelur marrëveshjen për shumë vite. Ne duhet të zhvillojmë ato armë, vetëm nëse Rusia dhe Kina vijnë tek ne dhe na thonë, le të bëhemi njëmend të mençur dhe asnjëri nga ne të mos zhvillojë armët.”
