Vendimi, KAS: Rinumërim të plotë të votave në Qarkun Tiranë!

Pasi ka shqyrtuar kërkesën ankimore të depozituar nga Koalicioni Partia Demokratike – Aleanca për Shqipërinë Madhështore, Komisioni i Ankimimeve dhe Sanksioneve, KAS, ka miratuar vendimin për rinumërimin e plotë të votave në Qarkun Tiranë.

Vendimi u mor pas kërkesës së dy anëtarëve të KAS-it nga radhët e Partisë Demokratike dhe përfshin të gjitha qendrat e votimit, përfshirë edhe kutitë me vota nga diaspora.

Data për nisjen e procesit të rinumërimit do të përcaktohet në një moment tjetër, pasi të jetë organizuar logjistikës, meqë Qarku Tiranë ka 1282 QV.

Ndryshe, sot Komisioni i Ankimimeve dhe Sanksioneve, KAS, ka shqyrtuar kërkesën ankimore nr.48, datë 29.05.2025, depozituar nga Koalicioni Partia Demokratike – Aleanca për Shqipërinë Madhështore me objekt:

1. Kundërshtimi i Vendimit Nr. 1326, date 24.05.2025, të KSHZ “Për miratimin e Tabelës Përmbledhëse të Rezultatit të votimit në zonën zgjedhore Qarku Tiranë, për subjektet zgjedhore dhe kandidatët për deputetë në zgjedhjet për Kuvendin të datës 1 maj 2025”.

2. Pavlefshmëria e zgjedhjeve të zhvilluara në datën 11 maj 2025 në zonën zgjedhore Qarku – Tiranë.

3. Zgjidhjen e pasojave duke urdhëruar persëritjen e zgjedhjeve për Kuvendin e Shqipërisë në të gjithë zonën zgjedhore Qarku Tiranë.