Vendimi, KLGJ: Më 27 prill rifillon puna në të gjitha gjykatat e vendit

Këshilli i Lartë Gjyqësor, KLGJ, ka vendosur që të rifillojnë punën të gjitha gjykatat në vend duke filluar nga data 27 prill.

“KLGJ vendos rifillimin e veprimtarisë dhe shërbimeve gjyqësore në të gjitha gjykatat e Republikës së Shqipërisë, më datë ë27.04.2020,” thekson KLGJ duke informuar këshillat dhe kryetarët në detyrë të gjykatave:

“Ngarkohen këshillat dhe kryetarët në detyrë të gjykatave për marrjen e masave për rifillimin e veprimtarisë dhe shërbimeve gjyqësore, në përputhje dhe respektim të masave për kufizimin e përhapjes së COVID-19.”