Vendimi, KLGJ: SPAK me gjyqtarë të përkohshëm
Këshilli i Lartë i Gjyqësorit, KLGJ, ka vendosur sot që të nis procedurat për plotësimin me anëtarë të përkohshëm të Gjykatës së Posaçme Kundër Korrupsionit dhe Krimit të Organizuar.
Kjo strukturë e njohur ndryshe si SPAK, sipas KLGJ-së do të plotësohet si fillim me gjyqtarë të përkohshëm ndërkohe do të kryhet vettingu edhe për magjistratët e rinj të cilët janë diplomuar në vitin 2018.
“Këshilli i Lartë Gjyqësor, zhvilloi sot më datë 27.12.2018 mbledhjen e radhës në të cilën u shqyrtuan disa nga prioritet në lidhjen me funksionimin e Gjykatave të Posaçme kundër Korrupsionit dhe Krimit të Organizuar dhe emërimin e kandidatëve për magjistratë të diplomuar nga Shkolla e Magjistraturës.
Në përputhje me komptencat e përcaktura nga ligji, Këshilli vendosi nisjen e procedurës për caktimin e përkohshëm të gjyqtarëve pranë Gjykatave së Posaçme kundër Korrupsionit dhe Krimit të Organizuar duke i hapur rruge krijimit të këtyre gjykatave.
Gjithashtu nisi procesin e komunikimit me institucionet shtetërore kompetente për verifikimin e pasurisë dhe figurës së kandidatëve për magjistratë të diplomuar në vitin 2018,” thuhet në njoftimin e KLGJ.
Sot KLGJ ka pranuar dhe kërkesën e dorëheqjes së gjyqtarit, Metush Saraçi”
“Këshilli i Lartë Gjyqësor sot miratoi edhe deklarimin e mbarimit të statusit të gjyqtarit Metush Saraçi, për shkak dorëheqjeje”, thuhet në njoftimin e KLGJ,” thekson në fund njoftimi i KLGJ.
