Vendimi, KLP cakton prokurorët e përkohshëm

Këshilli i Lartë i Prokurorisë, KLP, ka miratuar sot emrat e prokurorëve të përkohshëm në disa prokurori si dhe kreu i Apelit të Krimeve të Renda.

“Miratohet me 10 vota pro projekt-vendimi për caktim të përkohshëm të prokurorit Altin Dumani në pozicionin e Drejtuesit në Prokurorinë pranë Gjykatës së Apelit të Krimeve të Rënda”- njofton ndër të tjera KLP.

Prokurorët e përkohshëm

-Isa Jata, prokuror në Prokurorinë e Gjykatës së Apelit të Krimeve të Rënda;

-Julian Cafka, Drejtues në Prokurorinë pranë Gjykatës së Shkallës së Parë Gjirokastër;

-Altin Dumani, Drejtues në Prokurorinë pranë Gjykatës së Apelit të Krimeve të Rënda;

-Rozeta Qirjaqi, Drejtuese në Prokurorinë pranë Gjykatës së Apelit Korçë;

-Irena Çunoti, prokurore në Prokurorinë pranë Gjykatës së Apelit Korçë.