Vendimi, KMSH: Rinis aktiviteti fetar në xhami, ja protokolli i masave…

Pas bllokimit dy mujor nga COVID-19, Komuniteti Mysliman i Shqipërisë, KMSH, ka vendosur të rifillojë aktivitetin fetar në të gjitha xhamitë e vendit.

Përmes një njoftimi, Komuniteti Mysliman i bën të qartë të gjitha myftinive protokollin e masave, që duhet të zbatohet nga të gjitha xhamitë, e ku përfshihen dezinfektimi para se të fillojë frekuentimi, besimtarët të bëjnë abdesin në shtëpi, të marrin maska e doreza dhe sexhaden personale, dhe, simptomat me COVID-19 nuk do të lejohen të hyjnë në xhami.

Gjithashtu urdhërohen të gjitha myftinitë që të marrin masat e nevojshme për faljen e namazit të Fitër Bajramit nëpër xhami, duke respektuar të njëjtin protokoll.