Vendimi, Komiteti Teknik: Të ardhurit nga Greqia dhe Maqedonia e Veriut në karantinë dy javore

Pas analizës së situatës edpiemiologjike nënd dhe rajon, sot Komitetit Teknik të Ekspertëve vendosi që personat të cilët do të vijnë nga Maqedonia e Veriut dhe Greqia, do të vendosen në karantinë 2 javore. Kreu i këti Komiteti, Mira Rakacolli, sqaroi se kjo masë do të jetë në fuqi deri më 3 maj.

Ndërkohë, duke konstatuar se situata me COVID-19 është stabilizuar, Komiteti Teknik vendosi që nxënësit në gjimnaze mund ta kryejnë mësimin në bankat e shkollës.

“Padyshim që ka filluar të ndihet edhe efekti i vaksinimit masiv. Në Rajon situata paraqitet ndryshe, ndryshe nga vendi ynë, tek fqinjët tanë, në Maqedoninë e Veriut numri rasteve janë shtuar, por edhe i jetëve të humbura, e kjo duket në grafikët e paraqitura. Sfida e komitetit tonë është përmirësimi i indikatorëve.

Duke parashikuar faktorët, do të merren edhe masat. Mos respektimi nga subjektet elektorale mund të ndikojë në rritjen e rasteve. Festa e Pashkëve do të sjellë edhe ardhje nga vendet tjera. Kujtojmë se vitin e kaluar, për Pashkë u rritën rastet, dhe numri i jetëve të humbura. Duke pasur situatën lokale, ku e zë Gjirokastra,” tha Rakacolli duke dhënë një lajm të mirë për gjimnazistët:

“Nga dita e nesërme qëndrimi në karantinë 2 javore për personat që vijnë nga Maqedonia dhe Greqia deri më 3 maj. Nxënësit e viteve të parë dhe të dyta që kanë qenë në mësim online, mund të fillojnë edhe mësimin në klasë.”