Vendimi, KPK: Shkarkohet prokurori i Vlorës, Erjon Çelaj

Komisioni i Pavarur i Kualifikimit ka shkarkuar prokurorin në Prokurorinë e Vlorës, Erjon Çelaj, pasi u gjet me probleme të pasurisë dhe në kriterin e figurës.

Në seancën dëgjimore, Komisioni kishte referuar se gjeti Çelën me mbi 50 mijë euro bilanc negativ në vite dhe disa probleme në deklarime. Çelës po ashtu iu kalua barrë prove në lidhje me udhëtimet me një person me precedentë penalë. Sipas KPK Çela kishte mohuar udhëtimet, por KPK kishte provuar ato përmes sistemit TIMS.

Ndryshe, procesi i vettingut u krye trupa gjyqësore e kryesuar nga Lulzim Hamitaj, me relatore Etleda Çiftjen dhe anëtare Brunilda Bekteshin ndërsa vëzhgues ndërkombëtar ishte Elka Ermenkova.

Erion Çelaj e ka filluar karrierën në sistemin e drejtësisë në vitin 1998 dhe ka punuar fillimisht si prokuror në Përmet dhe në Fier. Prej vitit 2008, ai e ushtron funksionin në Prokurorinë e Rrethit Vlorë