Vendimi/ KQZ, Kosovës i shtohen edhe 3 parti
Komisionin Qendror i Zgjedhjeve, KQZ, ka marrë vendim sot që të regjistroj tri parti politike.
Bëhet fjalë për Iniciativës Politike “Partia Balliste”, Partinë Euroatlantike të Kosovës e udhëhequr nga deputeti Milaim Zeka dhe Partinë Demokratike të Diasporës.
“Konstatohet se me 8 vota për është regjistruar subjekti politik Partia Balliste me numër rendor 54″, tha kryetarja e KQZ-së, Valdete Daka.
“Me 9 vota për është regjistruar Partia Euroatlantike e Kosovës, me numër rendor 55,” dhe:.
“Me 9 vota për është regjistruar Partia Demokratike e Diasporës, me numër rendor 56.”
Në këtë mbledhje është diskutuar edhe për rastet e Prokurorisë së Shtetit dhe zgjedhjet e parakohshme parlamentare të vitit 2017.
