Vendimi/ Kryesia dhe Grupi Parlamentar i PD, ja si do të veprohet deri më 30 qershor!

Aty ku do të shkojë Kryeministri Edi Rama për takime elektorale, do të zhvillohen protesta deri më 30 Qershor. Ky është vendimi i  mbledhjes së Kryesisë dhe Grupit Parlamentar të Partisë Demokratike e cila u zhvillua sapo përfundoi Protesta e Madhe e Opozitës.

Edhe në këtë mbledhje Kryetari i PD, Lulzim Basha ka përsëritur se më 30 qershor nuk do të zhvillohen zgjedhje, ndërsa u ka kërkuar strukturave që të përgatiten për zgjedhje të parakohshme.

“Jemi ne metrat e fundit te finisht te kesaj beteje. Nuk është ky fundi. Na duhen zgjedhje të lira dhe të ndershme pa Edi Ramën. Kemi mbështetjen popullore te qytetareve shqiptareve e kanë të pazëvendësueshëm për fitoren e kësaj beteje. Besimi i qytetarëve nga akti i sotëm është në kuotat maksimale,” është shprehur  Basha.

Protestat do të jenë të ngjashme me ato që u zhvilluan një ditë më parë në Shkodër.

Ndërkohë, kryetarët e bashkive që kryesohen nga PD do të vazhdojnë me këmbëngulje zbatimin e Kushtetutës dhe ligjit, dhe duke filluar nga e hëna do të nxjerrin urdhrin për revokimin e listave të zgjedhësve në qendrat e votimit.

Mësohet se Kryetari i PD, Lulzim Basha, ka deklaruar se opozita ka siguruar një mbështetje të lartë që shkon nga 54% deri në 60%.

“Çdokush qe mendon se duhet te sakrifikojmë kauzën për hir të disa kapsollave dhe rënies pre e provokimeve, është dritëshkurtër.”