Vendimi, Kryesia: Të votohen kandidatët e Përndjekur Antikomunistë në listat e PD

Pas analizës së situatës politike në të cilën ndodhet vendit dhe angazhimit në fushatën dhe zgjedhjet e 25 prillit 2021, Kryesia Kombëtare e Shoqatës Antikomuniste të Përndjekurve Politikë të Shqipërisë vendosi që ti bëjë thirrje të Përndjekurve Antikomunistë që të marrin pjesë masivisht në zgjedhje dhe vota e tyre të shkojë te kandidatët e Përndjekur Politikë Antikomunistë në listat e PD.

Vendim

Kryesia Kombëtare e Shoqatës Antikomuniste e të Përndjekurve Politikë të Shqipërisë u mblodh sot për të diskutuar për situatën politike në vend dhe pozicionimin e angazhimin e të përndjekurve politikë antikomunistë në fushatën zgjedhore dhe zgjedhjet e 25 prillit 2021.

Në përfundim të mbledhjes Kryesia vendosi:

-T’iu bëjë thirrje të gjithë të përndjekurve politikë të bëhen pjesë e fushatës zgjedhore dhe të marrin pjesë masivisht në zgjedhje.

-Votat tona të shkojnë te kandidatët e përndjekur politikë antikomunistë në listat e PD.

-Kandidatët që vijnë nga shtresa e të përndjekurve politikë që nuk identifikohen si përfaqësuesit tanë politikë dhe nuk marrin për sipër kauzën tonë nuk do të konsiderohen përfaqësues dhe nuk duhet të votohen nga ana jonë.

Kryetari

Nebil Çika