Vendimi për Kosovën, Bërnabiç: Qëllim i pasinqertë politik i Britanisë së Madhe

Qëllim i pasinqertë politik i Britanisë së Madhe. Kështu e komentoi Kryeministrja e Serbisë, Ana Bërnabiç vendimin e Britanisë së Madhe që të mos e fus Kosovën në rend të punës gjatë kryesimit të radhës së këtij vendi me këshillin e Sigurimit të OKB-së në muajin gusht.

“Realisht, nuk ekzistojnë shumë gjëra që mund t’i bëjmë direkt, por do të vazhdojmë betejën diplomatike. OKB-ja do të duhej të diskutonte rreth situatës në Kosovë, siç bëri edhe deri më tani”, tha Bërnabiç.

Duke folur për televizionin publik serb, RTS, Bërnabiç theksoi se administrata aktuale amerikane, është e gatshme që t’i dëgjojë edhe qëndrimet e Serbisë lidhur me zgjidhjen e çështjes së Kosovës, e që paraqet, siç tha ajo, ndryshim të madh për Serbinë.