Vendimi për transportin ndërqytetas, hiqen biletat në formatin e shtypur

Biletat e parashtypura për transportin ndërqytetas do të hiqen nga qarkullimi. Kështu e bëri të ditur ministrja e Infrastrukturës dhe Energjisë, Belinda Balluku, me përfundimin e mbledhjes së Këshillit të Ministrave duke paralajmëruar biletat e prera online nëpërmjet sitemit elektronik të fiskalizuar.

“Ky projektligj sjell disa risi të rëndësishme, hiqen biletat në format të parashtypur për transportin ndërqytetas, prerja e biletave do bëhet online nëpërmjet sistemit elektronik të fiskalizuar e-transport ose nëpërmjet pajisjeve të fiskalizuara.

Prerja e biletave bëhet nga asgjencitë në autobusë ose mjete të tjera. Platfroma elektronike garanton ciklin e plotë të prerjeve të biletave, shtohen elementët e fiskalizuar dhe barkodet e sigurisë në formatet e biletave ndërqytetas. Biletat në format elektronik do të gjenerohen nga platforma elektronike,” tha ministrja Balluku ndërsa Projetkvendimi i dytë për transportin urban ka të bëjë me kompensimin, si pjesë e paketës anti-krizë.

“Çmimi i naftës ka një rritje të ndjeshme, qeveria ka vendosur që pjesë të Paketës së rezitencës të bëjë edhe kompensimin me 100 lekë për litër. I kemi dhënë rrugë hapjes së mënyrës së kalkulimit për të gjitha njësitë që janë në këtë proces. Do të shpenzohen gjatë muajit prill dhe maj. 98% e transportit në Shqipëri kryhet përmes rrugës dhe po mundohemi të ruajmë çmimin e biletës që mos të ketë një ndryshim. Po punojmë për përmirësimin e flotës apo për të pasur dhe një flokë të re”