Vendimi, Qeveria e Kosovës me masa të reja Anticovid. Nesër hapen restorantet dhe qendrat tregtare!

Qeveria e Kosovës mori vendim për masat e reja Anticovid. Në kuadër të këtij vendimi duke filluar prej nesër 19 prill, rihapet gastronomia lokalet hoteliere dhe qendrat tregtare.

Ora policore do të jetë nga ora 22:30 deri në ora 05:00 të mëngjesit.

Institucionet publike dhe private të arsimit të vazhdojnë aktivitetin e tyre në mënyrë të rregullt sipas udhëzuesit të përkohshëm për aplikimin a masave për parandalimin dhe luftimin e COVID – 19 në institucionet e arsimit të të gjitha niveleve;

– Shërbimet e gastronomisë të lejohen të zhvillojnë aktivitetin e tyre në përputhje me udhëzuesin e përkohshëm për aplikimin a masave për parandalimin dhe luftimin e COVID – 19 në sektorin e gastronomisë, përmes së cilit vendosën masa për respektimin e distancës në mes të tavolinave dhe përcaktimit të numrit maksimal të personave të lejuar për metër katror;

– Qendrat tregtare të zhvillojnë veprimtarinë duke respektuar me përpikëri masat sipas udhëzuesit të veçantë për qendrat tregtare.