Vendimi, Saimir Tahiri do të gjykohet për trafik droge. Ai akuzon dhe shkon në shtëpi…
Ish-Ministri i Brendshëm Saimir Tahiri do të gjykohet tek Gjykata e Krimeve të Rënda për trafik droge në kuadër të grupit të strukturuar kriminal.
Ish-Ministri i Brendshëm kërkoi pushimin e çështjes, Gjykata për Krime të Rënda, pranoi kërkesën e prokurorisë, duke çuar në gjykim Tahirin dhe ish policët, Jaeld Çelën,Gjergji Kohilën dhe Sokol Boden, Ish-Ministri i Brendshëm kërkon gjykim të shkurtuar, por edhe pse pas 8 orëve, Gjykata u bind në bazë të provave të grumbulluara nga prokurorët Dritan Prençi, Vladimir Mara dhe Arenc Çela, me akuzën për “Trafikim të lëndëve narkotike” në kuadër të grupit të strukturuar kriminal “Habilaj” dhe “Korrupsionit pasiv të funksionarëve të lartë shtetërorë” dhe vendosi që Saimir Tahiri të gjykohet tek Krimet e Rënda për trafik droge në kuadër të grupit të strukturuar kriminal, ai nuk u arrestua.
Doli nga Gjykata dukshëm i shqetësuar por nuk ndryshoi strategji duke akuzuar:
“Nuk jam ndonjë hero i heshtur, por di të them që realisht më vjen keq për njerëzit që vuajnë nga ky sistem drejtësie dhe nuk flasin dot përpara jush. Ajo që keni dëgjuar. Unë i kërkova prokurorisë të bëjë një akuzë të saktë dhe të qartë. Prokuroria duhet të tregonte cilin veprim kam bërë unë që kam shkelur ligjin. Prokuroria nuk u përgjigj. Sot dhe tutje do të flas edhe unë. Në Gjykatë dhe për publikun. Nuk mund të jetë më një proces ku provat e ashtuquajtura trafikohen.”
Pavarësishts e u fol për dhjetëra fashikuj, ishte Gjykata që mori vendimin por kjo nuk e ndali Saimir Tahirim të akuzoj:
“Unë di t’ju them që ky proces i ka kapërcyer kufijtë e një maskarade. Unë nuk mërzitem dhe nuk më shqetëson asgjë nga këto. Them që do t’ia dal! E dyshoj shumë fort që ky është sistemi i drejtësisë për të cilën unë luftova. Por gjithsesi mbetet për t’u parë. E gjitha është një absurditet. Unë i drejtohem Prokurorisë dhe Gjykatës të më thonë se ku kam shkelur ligjin dhe nuk më thonë asgjë.”
Tani shkojmë në gjykim, tha i pandehuri Saimir Tahiri, është një shans për të për të treguar atë që kam thënë, dhe ndonëse Gjykata ka marrë vendimin në bazë të provave të prokrurorisë ai pas këtij vendimi tha se nuk ka prova:
“Unë i kërkova prokurorisë të bëjë një akuzë të saktë dhe të qartë. Prokuroria duhet të tregonte cilin veprim kam bërë unë që kam shkelur ligjin. Prokuroria nuk u përgjigj.”
Duke dhënë në fund një mesazh, edhe pse në pamje dukej i koduar, për të gjithë ata që sot heshtën për Ministrin e Brendshëm, Saimir Tahiri që tashmë ka punë vetëm me Gjykatën: “Ajo që vjen para është më e rëndësishme se ajo që shkoi!”
