Vendimi, Vuçiç: Sot rezulton se jam presidenti më trap në botë!

Presidenti i Serbisë, Aleksandar Vuçiç, duke folur për zhvillimet politike dhe shoqrërore në vend, fillimisht komentoi vendimin e tij për të hequr dorë nga gërmimet për litiumin, ku atij tani i rezulton se është presidenti më trap në botë i cili i është nënshtruar presionit qytetar.

“Nuk e kuptoj pse kanë protestuar para qeverisë. Kur protestojnë ata duhet ta bëjnë para Presidencës, e unë do t’ju drejtohem dhe do ju them, njerëz, ju po e shkatërroni vendin,” tha Vuçiç për Pink TV ku akuzoi protestuesit ekologjik se kanë marrë para:

“Mendoj se e di më mirë se ju se çfarë është mirë për Serbinë, jam marrë me këtë punë. Disa njerëz nuk besojnë sepse i besuan teorive të komplotit, dhe janë njerëz të ndershëm. Të tjerët nuk besojnë sepse kanë marrë para.”

Sot Presidenti i Serbisë thotë se vendi ku ishte parashikuar të gërmohej, pjesa perëndimore rreth Loznicës, është pjesa më e pazhvilluar e vendit dhe do të përfitonte pesë miliardë euro sa do ti takonte me rastin e gërmimit të litiumit.

“Çmimi sot është 82.500 dollarë për ton i litiumit, me këto rezerva i bie 100 miliardë. A e kuptoni se çfarë do ti bëni Jadrit, Oseçinës, Valevës dhe gjithë Podrinjës,” përfundoi Presidenti i Serbisë, Aleksandar Vuçiç.