Vendosi/ Dritan Abazoviç, Qeveri me shkije kundër Gjukanoviçit

Nuk ka më dilemë, shqiptari Dritan Abazoviç nga koalicioni “E bardha në të zezë” ka ra dakord me liderët e dy koalicioneve në shërbim të Serbisë, “Për të të ardhmen e Malit Zi” dhe “Paqja është kombi ynë”, Zdravko Krivokapiç dhe Aleksa Beçiç, për parimet në të cilat do të formohet qeveria e re e Malit të Zi megjithëse është e qartë se parimet i përcakton Vuçiçi dhe i konfirmon mitropoliti i Kishës Ortodokse të Serbisë në Podgoricë, Amfilohije, që i shkaktoi dhe humbje Milo Gjukanoviçit.

Parimi i parë, raporton Televizioni publik i Malit Zi, RTCG, është që pushteti i ri demokratik me përgjegjësi do të zbatojë të gjitha detyrimet ndërkombëtare.

Parimi i dytë, që pushteti i ri demokratik do të realizoi reformat e domosdoshme në mënyrë që Mali i Zi në afatin sa më të shpejtë të mundshëm do të anëtarësohet në Bashkimin Evropian.

Pushteti i ri demokratik do të jetë i ekspertëve, i konstituuar nga kuadrot që janë ekspert nga fushat e caktuara pavarësisht nga përkatësia e tyre politike, fetare, kombëtre ose çfarëdo lloj karakteristike tjetër.

Parimi i katërtë, pushteti i ri demokratikt do të përkushtohet plotësisht për respektimin e Kushtetutës dhe zbatimit të ligjit, me ndryshimet dhe plotësimet që donti bëhen të gjitha akteve diskriminuese ligjore dhe nënligjore, duke përfshirë edhe Ligjin për liritë fetare, thuhet në komunikatën e përbashkët që e lëshuan tashmë tre liderët në shërbim të Serbisë, Abazoviç, Krivokapiç dhe Beçiç.

Dhe jo vetëm kaq! Ata i bënë thirrje edhe përfaqësuesve të pakicave që ti bashkohen, për siç thanë, ndërtimit të së ardhmes më të bukur dhe më prosperuese të Malit Zi.

Nuk dihet se si do ta bënë Dritan Abazoviçi me Zdravko Krivokapiçin, jo Malin e Zi por qoftë vetëm Andrijevicën evropiane, një qytet të tërë me çetnikë që vetëm kriminelin Vojislav Sheshel e njohin në këtë tokë.

Nuk dihet se si do ta ndryshoj ose plotësoj Ligjin për liritë fetare, kur kundërshtari i këtij Ligji dhe fituesi i këtyre zgjedhjeve, mitropoliti Amfilohije e tha qartë në Janarin e këtij viti, në ditën e Shën Ilisë, se myslimanët janë njerëz të rrejshëm me fe të rrejshme, e mësimin e tyre e quajti vdekje shpirtërore.

Elektorati me të cilën Abazoviç mendon të bëjë qeveri kurrë nuk e ka mbështetur Gjukanoviçin. E shefi i tyre Amfilohije në një intervistë për “Vijesti” duke e konfirmuar këtë fakt tha se Gjukanoviç është më i keq se Milosheviçi. Pra, sipas logjikës së së Amfilohijes, Milosheviçi që ka vra dhe konsiderohen të zhdukur mbi 250 njerëz ndërsa ka dëbuar mbi 3 milionë kroatë, boshnjakë dhe shqiptarë nga shtëpitë e tyre, është më i mirë se Gjukanoviçi që ka miratuar një Ligj i cili është hartuar nën kujdesin ndërkombëtar.

Dhe në fund, Abazoviç me Krivokapiçin dhe Beçiçin do të përkushtohet për respektimin e Kushtetutës dhe Ligjit por mitropoliti Amfilohije që i shkaktoi humbjen Gjukanoviçit, në Manastirin Podlastva në Grble bekoi Vuk Vukoviçin i cili braktisi radhët e policisë sepse tha se është roje e Kishës:

“Ai hoqi dorë nga policia sepse nuk lufton kundër vëllezërve të tij dhe për interesa të fuqive të mëdha dhe atyre që janë shërbëtor të tyre,” tha mitropoliti Amfilohije me politikën e të cilit sot Zdravko Krivokapiç dhe çetnikët e tij krekosen se rrëzuan shërbëtorin e fuqive të mëdha, Milo Gjukanoviçin, nga pushteti ndërsa Dritan Abazoviçi se i hapi rrugën të ardhmes së Malit Zi me Krivokapiçin dhe Beçiçin që angazhohen për Rusinë.