Vendosja e vizave/ KE refuzoi kërkesën e Holandës, Soreca: Do vazhdojë monitorimi…

Pas vendimit të KE për të rrëzuar kërkesën e Holandës për kthimin e regjimit të vizave me Shqipërinë, reagon Ambasadori i BE në Tiranë i cili deri më sot nuk ka evidentuar se këtu ka krim të organizuar dhe korrupsion, siç thotë Holanda, por zotohet se do të vazhdoj monitorimin:

“Pas një vlerësimi të kujdesshëm të përmbajtjes së kërkesës së Holandës dhe bazuar në të dhënat përkatëse të informacionit në dispozicion, @EU_Commission ka vendosur që në situatën aktuale nuk janë plotësuar rrethanat për të vënë në lëvizje mekanizmin e pezullimit të vizave,” thekson Luigi Soreca në reagimin e tij përmes rrjetit social Twitter duke shtuar:

“Komisioni sigurisht do të vazhdojë të monitorojë nga afër përmbushjen e standardeve për liberalizimin e vizave për Shqipërinë, si dhe për vendet e tjera që përfitojnë nga udhëtimi pa viza”.

Reagimi

Pas një vlerësimi të kujdesshëm të përmbajtjes së kërkesës së Holandës dhe bazuar në të dhënat përkatëse të informacionit në dispozicion, @EU_Commission ka vendosur që në situatën aktuale nuk janë plotësuar rrethanat për të vënë në lëvizje mekanizmin e pezullimit të vizave.

Komisioni sigurisht do të vazhdojë të monitorojë nga afër përmbushjen e standardeve për liberalizimin e vizave për Shqipërinë, si dhe për vendet e tjera që përfitojnë nga udhëtimi pa viza.

Tani është koha që, pas këtij konfirmimi, Shqipëria të çojë më tej arritjet e saj të rëndësishme të vitin 2010 dhe për të ecur përpara me energji të përtërira, duke pasur parasysh vendimin e rëndësishëm të @EUCouncil në tetor. #BEpërShqipërinë