Veri, Vuçiç gati për luftë, kërkon ndihmë nga Kina dhe Rusia

Një orë pas fillimit të aksionit të Policisë së Kosovës, në Veri është dëgjuar alarmi i vendosur nga Qeveria e Serbisë që sinjalizon “rrezikun nga shqiptarët”.

Kur asnjëri prej qytetarëve serbë nuk i është përgjigjur, Drejtori i Zyrës për Kosovën, Marko Gjuriç është paraqitur në Televizioni publik të Serbisë për ti alarmuar serbët se Njësia Speciale e Policisë së Kosovë, ROSU,  ka filluar një aksion në veri me qëllim të frikësimit të serbëve të Kosovës dhe Presidenti i Serbisë, Aleksandar Vuçiç, ka rritur nivelin e gatishmërisë së Ushtrisë së Serbisë, për luftë.

Televizioni publik i Serbisë, RTS, më popullori ndër serbët në Veri të Kosovës ka informuar se janë arrestuar pesë persona, Njësitë Speciale të Policisë së Serbisë janë gati për tu futur në Kosovë, ndërsa Gjuriç ka vazhduar me propagandën se Njësitë Speciale të Policisë së Kosovës kanë sulmuar qytetarët e paarmatosur.

Por në kohën që Marko Gjuriç po jepte mesazhe lufte përmes RTS, qytetarët serbë “të paarmatosur” plagosën një polic të Kosovës dhe ngritën barrikada.   

Gjuriç tha se Presidenti i Serbisë ka informuar përfaqësuesit ndërkombëtar dhe ka kërkuar ndërprerjen e menjëhershme të aksionit të Policisë së Kosovës ndryshe nuk ka dyshim se cili do të jetë reagimi i Serbisë gjatë ditës së sotme.

Pas minuta pas kësaj ndërhyrje kriminale të Marko Gjuriçit, Beogradi zyrtar ka bërë të ditur se pritet ndihmë nga Rusia dhe Kina.

Ndryshe, Televizioni Publik i Serbisë, RTS, ka bërë të ditur se sot rreth orës 04:00 të mengjesit, Njësitë e Policisë së Kosovës kanë filluar një aksion në Veri, në katër komunat me shumicë serbe, për arrestimin e shumë personave; Aksion i cili është paralajmëruar ditë më parë nga Presidenti i Serbisë, Aleksandar Vuçiç, bazuar në informacionet që kishte nga Shërbimi Sekret i Serbisë, BIA, ku dhe u bëri thirrje ndërkombëtarëve që të ndalohet një aksion i tillë, sipas tij, e rrezikshme .