Veriu i Kosovës nuk është nën kontroll, ka krim të organizuar

Me rastin e përfundimit të misionit të komandantit të KFOR-it dhe ndërrimit të komandës, gjeneralmajor Salvatore Cuoci, tha se nuk ka kontroll të plotë në Veri të Kosovës për shkak se ka krim të organizuar.

“Normalisht që ka probleme me sovranitetin në veri të Mitrovicës. Pasja e një kontrolli të plotë në veri, është me të vërtetë një sidë dhe mbetet sfidë. Në të vërtetë, nuk ka kontroll të plotë, kjo është e vërtetë për shkak se ka krim të organizuar. Atje ka sfida ndaj të cilave po mundohemi me qenë më të efektshëm. Kjo ndikon në popullatën, sepse në një farë mënyre njerëzit aje po mundohen kush, ku po mbështeten në Prishtinë apo në Beograd. Por, në realitet ne mundohemi që të mbajmë një ambient të qetë dhe të sigurt atje. Ne po mundohemi që të mbajmë situatën nën kontroll,” tha Cuoci duke shtuar se për zgjidhjen e problemeve në veri ndikon dialogu në tavolinë e jo në terren. Ndërsa, për transformimin e FSK-së, Cuoci ka thënë se pozicioni i NATO-s është qartë dhe preferon për përfshirjen e të gjitha etnive në Kosovë në ushtrinë e re.

Sipas Gjeneralmajor Salvatore Cuocit, procesi i transformimit të FSK-së do të zgjasë rreth 10 vjet, ndërkohë për ushtrinë e re të Kosovës duhet një buxhet i madh .

Ndryshe, në vend të Cuoci në krye të KFOR-it do të jetë Lorenzo D’Addario