Veseli: Pa Lidhjen e Prizrenit nuk do të kishim 28 Nëntorin e 17 Shkurtin

Kryetari i Parlamentit të Kosovës, Kadri Veseli, sot, në seancën solemne të Parlamentit me rastin e shënimit të 140-vjetorit të Lidhjes së Prizrenit, tha se pa këtë Lidhje nuk do ta kishim 28 nëntorin e vitit 1912 dhe as lëvizjen kombëtare për çlirimin e Kosovës, e cila arriti kulminacionin historik me UÇK-në, çlirimin dhe shpalljen e pavarësisë në shkurtin 2008.

Sipas tij, 140 vjet më parë, në këtë vend, ku qëndrojmë sot, u mblodhën përfaqësuesit e të të gjitha trevave shqiptare.

“Një barrë e madhe qëndronte mbi supet e tyre. Ishte kohë e vështirë. Ballkani ishte i trazuar si asnjëherë më parë. Perandoria Osmane po jepte shenjat e rënies së pashmangshme.Popujt po zgjoheshin. Evropa po jetonte pranverën e kombeve. Secili kërkonte vendin dhe të drejtat e tij në gjeopolitikën e re që po ndërtohej”, tha ai.

Seanca është mbajtur në mbajtur në Kompleksin e Lidhjes Shqiptare të Prizrenit