Vetëdorëzimi i Balilit/ Akuzon mediat, Rama jep detajet për Balilin: Kazani po zien, por operacioni ishte i sofistikuar…
Kryeministri Edi Rama e ka cilësuar një hap të madh në luftën kundër krimit të organizuar vënien në pranga atë që njihet si “Eskobari i Ballkanit”, Klement Balilin.
“Balili prapa hekurave një hap i madh përpara në luftën kundër krimit të organizuar dhe një përgjigje kuptimplotë, për të gjithë qentë që lehin, ndërkohë që karvani do të ecë me vendosmëri përpara,” thekson Edi Rama përmes rrjetit social Tëitter duke shtuar:
“Urime për këtë rezultat Ministrit Lleshi, Policisë së Shtetit dhe SHISH!”
Por raportimet e meidave mbi dorëzimin e Klement Balilin e shqetësuan tej mase Kryeministrin I cili nuk quhet kot Edi Rama, dhe reagon sërish përmes rrjetit social Tëitter:
“Hahaha çfarë kazani që zien për vetëdorëzim, duke e nxjerrë sikur KB u ndal tek dera e policisë pas një shëtitje në pedonalen e Delvinës. Ky është një nga operacionet më të sofistikuara policore që ka vazhduar muaj të tërë. Vetëdorëzimi është thjesht realizimi me sukses i tij”.
