Vetëdorëzimi kusht! Çfarë nuk tha Ardi Veliu për “Eskobarin”?!

Drejtori i Policisë së Shtetit, Ardi Veliu ka dhënë detaje nga operacioni për ndalimin e Klement Balilit por nuk sqaroi ato për të cilat njihet qenia Klement Balili me kryepolicin e Shqipërisë.

Negociatat me familjarët e Balilit, sipas Ardi Veliut, kanë zgjatur 3 muaj. Ai tha se është kontaktuar nga ata dhe ka shkuar në rrugën mes Delvinës dhe Finiqit, aty ku ndodhej Balili.

I pari i Policisë shqiptare ka sqaruar se Balili kishte dy kushte: Të mos keqtrajtohej dhe që ndalimi i tij të deklarohej vetëdorëzim.

Balili u transportua më pas në komisariatin numër 6 në Tiranë ku u ekzekutua urdhër-arresti që rëndonte ndaj tij dhe më tej u shoqërua në Drejtorinë e Policisë Tiranë.

Por në këtë sqarim, kur Ardi Veliu dha detajet për të cilat të gjithë ishin informuar, ai nuk sqaroi ato për të cilat përflitet nga miqtë e tij dhe të Klement Balilit: A njihet personalisht Ardi Veliu nga rinia e hershme me Klement Balilin? A e ka takuar edhe në rastet tjera? Cila ishte natyra e këtyre takimeve? Dhe, a është Ardi Veliu njeri i cili e ka ruajtë Eskobarin e Ballkanit nga një arrestim I mundshëm? Nëse nuk i sqaron të gjitha këto që deri dje ishin legjenda urbane por sot ndërlidhen me ato që thotë kryeministri, ministri i brendshëm dhe drejtori i policisë së shtetit, sqarimet si këto sot të Ardi Veliut pas vetëdorëzimit të Klement Balilit janë, siç thotë,  Edi Rama: Llogje telefonike!