Vetëvendosje akuzon, Qeveria Hoti dështoi në menaxhimin e situatës me COVID-19
Lëvizja Vetëvendosje ka kritikar Qeverinë Hoti për dështim në menaxhimin e gjendjes me pandeminë COVID-19, në kohën kur vendi po vazhdon të shënojë rritje të theksuar të infeksioneve të reja.
Nënkryetari Besnik Bislimi tha sot se një pjesë e madhe e politikës as nuk ka pasur përpjekje për të pasur në kontroll pandeminë.
“Përballja me pandeminë ka dalë nga kontrolli, për një pjesë të madhe të politikës as nuk ka pasur përpjekje për ta pasur në kontroll. Dështimi me pandeminë do të ketë pasoja edhe në ekonomi,” paralajmëroi Ish-Ministri i Financave, besnik Bislimi duke kritikuar Qeverinë edhe për mos implementimin e pakos emergjente fiskale, e cila sipas tij po stopohet.
“Pagesat e pakos emergjente fiskale u stopuan. Mbulimi i kartonit të gjelbër nuk u mbulua, marrëveshjet ndërkombëtare nuk po i kalojnë.”
Vdekjet e dyshimta në QKUK, pret Raportin e Prokurorisë por shkarkoi Drejtorin e Përgjithshëm
Dy ditë pas katër vdekjeve të dyshimta në Klinikën Infektive, ministri i Shëndetësisë, Armend Zemaj tha se në ditët në vijim do të pranojë raporte të detajuara, por përshëndet shkarkimin e Drejtorit të ShSKUK-së, Basri Sejdiu ndonëse as vetë nuk i din arsyet e vdekjes.
Ministri i shëndetësisë pasi dënoi fajtorin sot tha se janë duke pritur që prokuroria të dalë me një raport final dhe të shihet nëse ka elemente të veprës penale.
“Menaxhimi me pandemi është në koordinim të plotë me të gjithë institucionet,” tha i vetëkënaqur ministri Zemaj i cili me Avdullah Hotin dhe Isa Mustafaj rezultojn si njerëzit e vetëm që e pëlqejnë mënyrën se si po menaxhohet situata me COVID-19.
Ndryshe, Prokuroria Themelore në Prishtinë, Departamenti i krimeve të rënda, ka nisur hetimet lidhur me dyshimet për vdekjet e pacientëve me COVID-19, që kanë ndodhur në orët e para të së dielës në Klinikën Infektive në Qendrën Klinike Universitare, QKUK.
Ndërkohë, Ministria e Shëndetësisë dhe Shërbimi Spitalor dhe Klinik Universitar i Kosovës, SHSKUK, të dielën kanë thënë se për shkak të shtimit të numrit të vdekjeve brenda një afati të shkurtër kohor, janë ngritur dyshime lidhur me natyrën e vdekjes së këtyre pacientëve.
