Vetëvendosje dhe LDK takim në orën 16:30

Kryetari i Lëvizjes Vetëvendosje, Albin Kurti dhe ai i LDK-së, Isa Mustafa, do të takohen edhe një herë dhe sipas të gjitha gjasave për herë të fundit, për të vendosur për koalicionin qeverisës.

Mësohet se takimi i Albin Kurtit me Isa Mustafën, ku të pranishëm do të jenë edhe zyrtarë të lartë të të dy partive, pritet që të fillojë në ora 16:30.

Sot gjatë ditës takimin e kanë konfirmuar të dy liderët. Madje, Isa Mustafa tha se sot duhet që të vendoset përfundimisht nëse do të ketë marrëveshje apo jo.

Në anën tjetër, Kryetari i Lëvizjes Vetëvendosje ishte optimist ndërsa foli për marrëveshje:

“Takimi i fundit ishte të premten, jo në Prapashticë po në Universitetin Amerikan. Sot do të takohemi prap me z.Mustafa. Se a do të arrijmë marrëveshje nuk e di, por, jam optimist për arritjen e marrëveshjes.”