Vetëvendosje: Haradinaj të mos fshihet por të paraqitet brenda afatit në Parlament

Ramush Haradinaj të mos fshihet pas axhendës së ngarkuar por të paraqitet brenda afatit në Parlament. Kjo është thirrja që Lëvizja Vetëvendosje i ka bërë kryeministrit duke bërë të ditur se kërkesën për interpelancë e ka parashtruar lidhur me Qeverinë e Kosovës dhe kompaninë e Bechtel Enka.

“Sot grupi parlamentar i Lëvizjes Vetëvendosje parashtroi kërkesën për interpelancë në emër të deputetit Liburn Aliu lidhur me pagesën që Qeveria e Kosovës po ia bën Bechtel Enkës me 53 milionë euro.

Për këtë skandal Qeveria duhet të japë llogari në Parlament. E prokuroria duhet të nisë hetimet.

I bëjmë thirrje Kryeministrit mos të fshihet pas “axhendës së ngarkuar” por të paraqitet brenda afatit në Parlament.”