Vetëvendosje në Tiranë: Nesër protestë, Vuçiç e Dodik “NON GRATA” në Shqipëri!

Përfaqësuesit e Qendrës së Lëvizjes Vetëvendosje në Tiranë sot përpara bustit të vëllezërve Frashëri kanër bërë të ditur se nesër do të mbahet një tubim paqësor kundër vizitës së Presidentit serb Aleksandër Vuçiç dhe kryesuesit të radhës së Presidencës së Bosnje Hercegovinës, në Tiranë, Milorad Dodik.

“Ata të dy janë dy politikanë udhëheqës me të kaluar dhe të tashme kriminale, s’kanë shprehur asnjë pendesë për krimet e Serbisë, mohojnë masakrat e luftës. Ata nuk i njohin simbolet tona shtetërore. S’mund të sillemi këtu sikur jemi para një feste. S’mund t’ju hapet dera e shtëpisë hasmit. S’jemi ne që i kemi shpallur armiq, janë ata që mohojnë të drejtat tona. Prandaj edhe nesër do të mblidhemi këtu në orën 18:00 dhe ftojmë sa më shumë qytetarë të na bashkohen. Tubimi do do vazhdojë drejt Bulevardit Dëshmorët e Kombit dhe më pas tek Korpusi e tek rruga përballë hotel Sheratonit ku edhe do mbahet takimi që do marrin pjesë këta persona. Vuçiç dhe Dodik janë persona non grata në Shqipëri,” u shpreh përfaqësuesvei Qendrës, Bojken Abazi.

Ndryshe, më 08-09 Maj në Tiranë zhvillohet Samiti i radhës së Liderëve të Procesit Brdo-Brijun. Me ftesën e Presidentit Ilir Meta, përveç sy nismëtarve të Procesit, Presidentes së Kroacisë, Kolinda Grabar-Kitarović dhe Presidentit të Sllovenisë, Borut Pahor, në Samitin e Tiranës, do të marrin pjesë tre Anëtarët e Kryesisë së Presidencës së Bosnje-Hercegovinës, Milorad Dodik, Shefik Xhaferoviç dhe Zhelko Komshiç, Presidenti i Kosovës, Hashim Thaçi, Presidenti i Malit të Zi, Milo Gjukanoviç, Presidenti i Maqedonisë, Gjorgje Ivanov, si dhe Presidenti i Serbisë, Aleksandar Vuçiç, ndërsa të ftuar nderi janë Presidenti i Polonisë, Andrzej Duda, dhe Përfaqësuesja e Lartë për Politikë të Jashtme dhe Sigurisë pranë BE, Federica Mogherini.